Ձեր վստահելի աղբյուրը

Վրաստանի խորհրդարանի մեծամասնության առաջնորդ Մամուկա Մդինարաձեն աննախադեպ ու զավեշտական է անվանել օտարերկրյա գործակալների մասին օրենքի պատճառով վրացի պատգամավորների դեմ պատժամիջոցներ սահմանելու ԱՄՆ-ի որոշումը։

«Աննախադեպ և միաժամանակ զավեշտական է օրենքի ընդունման պատճառով ժողովրդի կողմից ընտրված պատգամավորի նկատմամբ պատժամիջոցներ կիրառելը»,-«ՌԻԱ նովոստի»-ի փոխանցմամբ՝ սոցիալական ցանցերում գրել է նա։

Մայիսի 14-ին Վրաստանի խորհրդարանը երրորդ և վերջնական ընթերցմամբ ընդունեց իշխող «Վրացական երազանք» կուսակցության կողմից ներկայացված «Օտարերկրյա ազդեցության թափանցիկության մասին» օրինագիծը։ Այն ներառում է շահույթ չհետապնդող իրավաբանական անձանց և լրատվամիջոցների գրանցում, որոնց եկամուտը, մասնավորապես, ավելի քան 20 %-ը, ստացվում է արտերկրից: Բացի այդ, պետական ռեգիստրում պետք է գրանցվեն բոլոր «օտար ուժերի շահերը» քարոզող կազմակերպությունները։ Այս դեպքում անհրաժեշտ կլինի ներկայացնել ստացված եկամուտը և լրացնել հայտարարագիր, հակառակ դեպքում կսպառնա 25 հազար լարի տուգանք։