Ձեր վստահելի աղբյուրը

«Կիրանցի ժողովուրդս ո՞ւր է, ձեր ցավը տանեմ, իրենց արցունքներն են մեզ բերել այստեղ»,-Սուրբ Աննա եկեղեցու բակում հայտնեց Բագրատ Սրբազանը՝ կիրանցեցիներին առաջարկելով բարձրանալ հարթակի վրա։

Նա հայտնեց, որ իրեն հանիրավի մեղադրում են, թե Տավուշը թողել է և եկել է Երևան, այն դեպքում երբ տավուշեցիներն իր կողքի են, եկեղեցու մոտ։

«Կիրանցեցները գյուղի մեջտեղը կանգնած ինձ ասացին. «Գնա ժողվորդին ասա, որ մենք ձեր մեջքին կանգնած ենք»,-տեղեկացրեց Սրբազանը և զարմանք հայտնեց, որ այդ վիճակում կիրանցեցին ամբողջ Հայաստանին ասում է, որ կանգնած է նրանց մեջքին։

Նա ասաց, որ նրանք ամբողջ կյանքում Հայաստանի դարպասն են պահել, ամենաշատ զոհը Կիրանցում է եղել։

«Այս մարդիկ լրիվ իրավասություն ու իրավունք ունեն անելու այն, ինչը, որ անում են անհնազանդության իրենք գորւծողություններով իրենց անհամաձայնությունը հայտնելու, անձնապես իրենց տների՝ քո կողմից քայքայման ահմար։ Ուրիշ բան չկա։ Մտածիր այս մասին, շատ մտածիր, Աստծո՛ւ որդի»,-ասաց Բագրատ սրբազանը՝ ակնարկելով Նիկոլ Փաշինյանին։

Սրբազանը հայտնեց, որ Ոսկեպարից, Բաղանիսից և Տավուշի մյուս գյուղերից էլ են միացել անհնազանդության ակցիային։