Ձեր վստահելի աղբյուրը

Սարդարապատի հուշահամալիր է այցելել Շիրակի թեմի առաջնորդ Միքայել արքեպիսկոպոս Աջապահյանը։ Սարդարապատում նա հանդիպեց «Տավուշը հանուն հայրենիքի» շարժման առաջնորդ  Բագրատ արքեպիսկոպոս Գալստանյանին։

Հարցին՝ իշխանականները  վստահեցնում են, որ Բագրատ Սրբազանի առաջնորդած «Տավուշը հանուն հայրենիքի» շարժումը ֆաշիստական շարժում է,  ֆաշիմի գաղափարներով, ի՞նչ կասեք այդ մասին, Միքայել Սրբազանն ասաց. «Բայց իրենք գիտե՞ն, թե ինչ է ֆաշիզմը։ Երևի չգիտեն, որ այդպիսի բան են ասում: Այստեղ ֆաշիզմ չկա»։

Հարցին՝ Բագրատ Սրբազանն իր աջակիցների հետ կառավարական ամառանոց գնաց, սպասեց Նիկոլ Փաշինյանին, չեկավ, նաև այսօր Սարարապատի հուշահամալիր չի եկել, Սրբազանը պատասխանեց. «Փախուստի մեջ է։ Վախկոտը միշտ էլ խուսափում է հանդիպումից: Եթե վախկոտ չլիներ, կհանդիպեր: Ժողովրդի ներկայությունից է վախեցել։ 

Չգիտե՞ք, որ նա ստախոս է: Այդ մարդն ասում էր՝ «Արցախը Հայաստան է և վերջ», բայց հիմա Արցախի անունն էլ չի տալիս, նույնիսկ պատմության դեմ է գործում»։

Միքայլե Սրբազանն ասաց, որ շատ ուրախ է, որ այսօր Փաշինյանը չայցելեց Սարդարապատի հուշահամալիր։ 

Հարցին՝ ասում են իշխանությունները նախկիններն արդեն տվել էին Արցախը, իրենք  տեղյակ չեն եղել, Շիրակի թեմի առաջնորդն ասաց. «Հերթական հիմարությունը։ Եթե նույնսիկ տվել էին, դու գայիր, չեղյալ համարեի այդ ամեն ինչը։ Սևի դաշնագրով էլ Տրապիզոն Հայաստանը էր։

Աթաթուրքը եկավ ու ասաց՝ ոչ մի Սևր։  Ընդունե՞ց Սևրը։ Չընդունեց։ Կարսն էլ վերցրեց, Տրապիզոնն էլ, Մուշն էլ, ամեն ինչն էլ»։ 

Լրագրողները հիշեցրեցին Փաշինյանի ԱԺ-ում հայտարարությունը հոգևորականների՝ ազդեցության գործակալների  մասին, Սրբազանը պատասխանեց. «Ինքն է ազդեցության գործակալ։ Մեր մեջ չկա ազդեցության գործակալ»։