Բագրատ Սրբազան. Պատրաստ եք ելնելու
Սարդարապատի հուշահամալիրում Հայաստանի Առաջին Հանրապետության տոնի առիթով «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանն իր ուղերձը սկսեց տերունական աղոթքով ու հավաքված քաղաքացիների հետ Հայաստանի օրհներգի կատարմամբ։
«Շնորհավոր մեր Հանրապետության տոնը։ Այսօր Մայիսի 28-ը նշում ենք մեր բոլոր ժամանակների ամենանվաստ ու ամենաանպատիվ շրջանում։ Բայց չպետք է ընկճվել, հուսահատվել ու նահանջել։ Մեր տառապանքներն ու ցավերը, մեր կորուստները մղում են մեզ էլ ավելի մեծ սխրանքների։
Դուք այս օրերին փաստել եք, սիրելի ժողովուրդ, որ նույն ոգին ունեք, փաստել եք ասելով՝ ոչ անպատվությանը, նվաստացմանը, ստորացմանը, ստին, թշնամությանը, ատելությանը, ասել եք՝ այո ճշմարտության հաղթանակին, պատվին ու հայրենիքին։
Այսօր հավաքված ենք ուխտի, անձնական ու հավաքական երդումի, որ, այո, յուրաքանչյու պահի՝ այսօր, վաղը, երբևէ արձագանքելով մեր պետականության ստեղծողներին՝ ասելու պատրաստ եք ելնելու»,- նշեց Սրբազանը։
Բագրատ Սրբազանն ասաց, որ պետք է կյանքում առաջնորդվել՝ չմերժելով բարեկամներին, հույսը դնել սեփական ներուժի, սեփական օրակարգի ու նպաստի վրա։
«Երբ հայացքդ հառնում ես դուրս, ներսդ դատարկվում է, երբ հայացքդ դեպի ներս է, դուրսն ավելի է ամրանում։ Մեր կյանքն էլ այդպես պետք է լինի։ Կանգնած ենք հազար ու մի տեսակի հարձակումների, փորձությունների, աշխարհաքաղաքական իրադարձությունների առջև, բայց այդ բոլորի մեջ մենք մեզ ենք մոռացել։ Բոլորին հիշում ենք՝ մեզ մոռանալով։ Մենք ավելին են, քան որևէ իրադարձություն, սիրելի ժողովուրդ։
Սարդարապատը վկայում է, Հանրապետության օրը վկայում է, որ մեր իղձերն ու երազանքներն ավելին են, քան մարդկային կյանքի սահմանափակ օրերը։ Մենք այդ իղձերի իրականացնողը կամ փոխանցողը պետք է դառնանք որպես անձ, որպես հավաքականություն, որպես պետություն։
Աստված օրհնել է մեր ընթացքը, մնում է մենք ականջալուր լինենք նրան և շարունակենք այդ ընթացքը հավատարմորեն, առանց ներքին փոքր ու մեծ հաշիվների, առանց մանր խնդիրների, առանց ոչ էական հարցերի, որոնք քայքայում են մեր կյանքը։
Մեր խնդիրն առաջին հերթին հոգևոր, բարոյական դաշտում են, այնտեղից են ծագում մնացած բոլոր դժվարություններն ու խնդիրները, և եթե մենք այդ իմաստով գնահատենք մեր հոգևոր, բարոյական գիտակցությունն ու արժեքները, մեզ համար ոչ մի հարց չի կարող ավելի մեծ լինել, քան մենք ենք»,- իր ուղերձում ասաց Բագրատ Սրբազանը։
Հարակից հրապարակումներ`
- Միգուցե դրսից թելադրել են, որ չես գնալու. Բագրատ Սրբազանը՝ Փաշինյանի՝ Սարդարապատ չայցելելու մասին
- Այն չարիքն ու ստի հայրը, որը կանգնած է մեր առջև, ուղղակի ապրում է իր սարսափի օրերը․ Բագրատ Սրբազան
- Գնում ենք Սարդապատ՝ նշելու Մայիսի 28-ը․ Բագրատ Սրբազան
- Գնալու ենք Սարդարապետ, գիշերը մնալու ենք այնտեղ. Բագրատ Սրբազան
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
