Ձեր վստահելի աղբյուրը

«Ըստ միջազգային կարգի, եթե օրինական իշխանությունը վտանգի մեջ է գտնվում, ապա կարող է այլ երկրի զինված կոնտինգենտ հրավիրել ներքին թշնամիներից պաշտպանվելու համար։

Ալիևի հայտարարությունն, ի պաշտպանություն գործող ռեժիմի, այս տեսանկյունից է պետք դիտարկել»,-նշում է քաղաքագետ Ստեփան Դանիելյանը։

Նրա խոսքով, հրաժարական չտալով, գործող վարչապետը Հայաստանն ադրբեջանական (իմա' թուրքական) օկուպացիայի վտանգի առջև է կանգնեցրել։

«Այս հայտարարությունը նաև ցույց է տալիս, թե ովքեր են գործող ռեժիմի իրական  հովանավորները։

Մենք պետք է մտնենք իրավական դաշտ և գործող վարչապետը պետք է օրինական կարգով հրաժարական տա, հասկանալով, որ ինքն այլևս անընդունելի է, իր ժամանակը սպառվել է»,-գրում է նա։

Նշենք, որ Ադրբեջանի նախագահ Իլհամ Ալիևը երեկ հայտարարել է.

«Մենք նաև հետևում ենք Հայաստանում ընթացող վերջին իրադարձություններին։… Այդ պատճառով մենք ամեն պահ պետք է պատրաստ լինենք։ Իհարկե, առաջին հերթին մեզ անհրաժեշտ է էլ ավելի ուժեղացնել մեր բանակը, և մենք դա անում ենք»։