Ձեր վստահելի աղբյուրը

«Եթե կան առաջարկներ, որոնցից կշահի շարժումը, մեր դռները բաց են դրա առջև։ Երբեք առողջ քննադաություններից ու մտքերից չենք խուսափել»,-  «Սրբազան պայքար. Փաշինյանի հեռացման ճանապարհը» թեմայով քննարկմանն ասաց   ԱԺ պատգամավոր և շարժման ներկացուցիչ Գառնիկ Դանիելյանը։

Ինչ վերաբերում է իմպիչմենտի գործընթացին, ապա Դանիելյանը հայտնեց, որ գործընթացը շարունակվում է։

«Հիմա ստեղծվել է իրավիճակ, որն իշխանությունների ներսում է բազմաթիվ խնդիրներ առաջացնում։ Հետո ՝ ամեն օր անում ենք կարևոր արձանագրումներ։ Երեկ Եվրախորհրդարանի պատգամավոր  դատապարտել  է այս ամենը։ Դրսում էլ է պրոցեսներ գնում, որը որ ցույց է տալիս՝ մենք ճիշտ ճանապարհին ենք։ Բոլորից շատ մենք ենք ուզում, որ շարժումը շատ արագ հասնի նպատակին և Նիկոլ Փաշինյանն էլ իշխանություն չլինի։ Երկու ամիս շարունակ պայքար ենք տանում, բայց այս իշխանություններն աջակցություն են ստանում թուրք-ադրբեջանական տանդեմից։ Բացի դրանից, հասկանում ենք, որ այս մարդիկ բազմաթիվ հանցագործություններ են կատարել, որոնց համար պատասխանատվության են ենթարկվելու։Ընդունենք այն փաստը, որ ամուր կառչած են աթոռներից»,- ասաց Դանիելյանը։

Նրա խոսքով՝ որքան մեծանում է ճնշումն, այդքան իշխանության մոտ ավելանում են խնդիրները։

«Այս ընթացքում բազմաթիվ մարդիկ են մոտեցել, որոնք ՔՊ-ականների բարեկամներ են, մոտ ազգականներ,որոնք ասել են, որ հանդիպումներ են ունեցել և որոշակի ինֆորմացիա են մեզ փոխանցել։ Մարդիկ կան, որոնք հասկանում են, որ սա հնարավորություն է իրենց համար»,- ասաց նա։

Ինչ վերաբերում է շարժման  քայլերի, ապա Դանիելյանն ասաց․ «Փաշինյանն եկա՞վ Սարդապատ, չեկավ, եկավ այն ժամանակ, երբ մենք գնացել էինք։ Ինձ էին ուղարկել հրավեր, թե որ ժամին պետք է գար։ Մենք այնտեղ հինգ օր չէինք մնալու»։