Ձեր վստահելի աղբյուրը

Ներքին անվտանգության և հակակոռուպցիոն վարչության պետ Վաղինակ Մարտիրոսյանը ՆԳՆ դիմաց «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանին տեղեկացրեց, որ  ոստիկանների կողմից կատարած գործողությունների մասով մեկ տասնյակից ավելի ծառայողական քննություն կա, ինչպես նաև քրեական վարույթներ։

«Խնդրանքս է` ոստիկաններին չթիրախավորել։ Բոլոր այն ոստիկանները, որոնք կարգապահական խախտում են թույլ տալիս, օրենքից դուրս են գործում, միանշանակ, վստահեցնում եմ, կենթարկվեն պատասխանտվության»,-ասաց նա։

Վ. Մարտիրոսյանը հայտնեց, որ նախօրեին Սարդարապատում՝ Վեհափառ Հայրապետի հետ տեղի ունեցած միջադեպի առնչությամբ ՆԳՆ-ում ծառայողական քննություն չի իրականացվում։

ՆԳՆ մամուլի խոսնակ Նարեկ Սարգսյանը լրագրողներին ասաց, որ Սարդարապատի հուշահամալիրում արարողակարգային միջոցառում է եղել, Վեհափառի անունը հրավիրվածների ցանկում չի եղել, պարզաբանումներ են եղել արարողակարգի հետ, ինչից հետո մուտքը թույլ են տվել։

«Այսքանից ավելի բան չեմ կարող ասել»,- ասաց Ն.Սարգսյանը։

Նա նաև ասաց,  որ եղանակային պայմաններից ելնելով է փոփոխվել պաշտոնյաների մասնակցությամբ միջոցառան ժամը։