![](https://panorama.am/news_images/1004/3009960_1/62626_v2.thumb.jpg)
Գազայում ռազմագործողությունների ֆոնին Թուրքիա-Իսրայել առևտուրը շարունակվում է
«Թուրքիայի վիճակագրական ինստիտուտը» (TÜİK) հրապարակել է տվյալներ ապրիլին իրականացված արտահանումների վերաբերյալ: Այս մասին գրում է Էրմենիհաբերը։
Ըստ այդմ՝ պարզ է դառնում, որ Թուրքիան շարունակում է ապրանքներ արտահանել Իսրայել:
Ավելի քան 298 մլն դոլարի արտահանում է կատարվել Թուրքիայից Իսրայել, իսկ 89 մլն դոլարի ապրանք՝ Իսրայելից Թուրքիա:
Հիշեցնենք, որ Թուրքիայի առևտրի նախարարությունն ապրիլի 9-ին էր հայտարարել, որ կասեցնում է 54 տեսակի ապրանքային խմբի մեջ մտնող բոլոր իրերի արտահանումն Իսրայել, ինչին հաջորդել էր թուրքական կողմի առևտրաշրջանառության ամբողջական դադարեցման մասին որոշումը:
Զուգահեռ նշվել էր նաև, որ այն ուժի մեջ է մնալու քանի դեռ Պաղեստինի Գազայի հատվածում հրադադար չի հաստատվել: Հատկանշական է, որ մինչ օրս Իսրայելի կողմից Գազայի ուղղությամբ իրականացվող ռազմագործողությունների շարունակման ֆոնին առևտուր այնուամենայնիվ ընթանում է:
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան