![](https://panorama.am/news_images/1004/3010226_1/f66599c55b4f48_66599c55b4fa8.thumb.jpg)
Բելոուսով. Երևանին ու Բաքվին առաջարկվում են Արևմուտքի թելադրանքով խաղաղության պայմանագիր ստորագրել
Տարաձայնությունները լուծելու համար Հայաստանին և Ադրբեջանին միջնորդական ծառայություններ են պարտադրվում։ Այդ մասին ուրբաթ ասել է ՌԴ պաշտպանության նախարար Անդրեյ Բելոուսովը, որի խոսքերը մեջբերում է ՏԱՍՍ-ը։
«Առաջարկվում է խաղաղության պայմանագիր կնքել բացառապես արևմտյան հարթակներում և թելադրանքով»,-ասել է Բելոուսովը՝ ուրբաթ օրը Ալմաթիում ելույթ ունենալով ՀԱՊԿ պաշտպանության նախարարների խորհրդի նիստում։
Նրա խոսքով, «առանձնապես մտահոգիչ են Վաշինգտոնի և Բրյուսելի ծրագրերը՝ անվտանգության և պաշտպանության ամրապնդման պատրվակով մեր հայ գործընկերներին իրենց շահերի ոլորտ ներգրավելու համար»։
ՌԴ պաշտպանության նախարարն ընդգծել է, որ ՆԱՏՕ-ի և Եվրամիության կուրսը Ռուսաստանի հետ առճակատման ուղղությամբ լարվածության աճ է առաջացնում ՀԱՊԿ հավաքական անվտանգության գոտու մի շարք շրջաններում։
Հարակից հրապարակումներ`
Լրահոս
Տեսանյութեր
![«Ոսկե ծիրան» կինոփառատոնը լի է բազմաթիվ անակնկալներով](https://panorama.am/video_images/17/49883_1/f6685309dbca8b_6685309dbcacf.jpg)
![Սուրենյան. Հայաստանին մոտենում է հերթական ցիկլոնը](https://panorama.am/video_images/17/49869_1/f6683d660d4d69_6683d660d4daa.jpg)