Ձեր վստահելի աղբյուրը

ԱԳՆ դիմաց ակցիայի ժամանակ ձերբակալված  Դանիել սարկավագ Գևորգյանին ու բժիշկ Նիկոլայ Գրիգորյանին ազատ են արձակել: Այս պահին նրանք հիվանդանոցում են։ Այս մասին հայտնում է փաստաբան Վարազդատ Հարությունյանը։

Փաստաբանը մանրամասնում է, որ նրանց ձերբակալել էին ժամը 15։15, իսկ 21։30 լրացել է ձերբակալման 6 ժամը. «Չկար ձերբակալելու վերաբերյալ որոշում, ուղեկցող ոստիկաններն էլ հեռացան, փաստացի, կարելի է ասել, հռչակելով նրանց ազատությունը։ Հայտարարեցին փաստացի ազատ արձակված վիճակում են»։ 

Հիշեցնենք, որ Դանիել սարկավագ Գևորգյանը ու բժիշկ Նիկոլայ Գրիգորյանը ոստիկանական գործողություններից վնասվածքներ էին ստացել, տեղափոխվել էին հիվանդանոց։

Ավելի վաղ իրավապաշտպան Ռուբեն Մելիքյանը գրել էր. «Նրանք ծաղրաբար «հայր սուրբ», «հայր սուրբ» ասելով դաժան ծեծի են ենթարկել Դանիել սարկավագին - խոնարհությունն ու քրիստոնեական մյուս առաքինությունները կրող մի համեստ եկեղեցականի - և դրա հետևանքով Դանիել սարկավագը հայտնվել է հիվանդանոցում՝ տարբեր մարմնական վնասվածքներով…»։

Իսկ Վարազդատ Հարությունյանը հայտնել է. «Ի դեպ` բերետավորները Դանիել սարկավագին բացի ծեծելը պատառոտել են նաև նրա սքեմը:

Ծեծելիս էլ ասել են «խփի, խփի Հայր սուրբա»: