Ձեր վստահելի աղբյուրը

«Ալ-Նասրի» հարձակվող Կրիշտիանու Ռոնալդուն արձագանքել է Կիլիան Մբապեի՝ Մադրիդի «Ռեալ» տեղափոխվելուն։

Նախօրեին՝ մայիսի 3-ին, «Ռեալը» պաշտոնապես հայտարարել է Մբապեի տեղափոխության մասին։
Նախկինում Մբապեն խոստովանել էր, որ Ռոնալդուն իր կուռքն է, լուսանկար է հրապարակել Ռոնալդուի հետ, երբ նա դեռ երեխա էր։

«Քեզ դիտելու իմ հերթն է։ Չեմ համբերում տեսելու, թե ինչպես ես լուսավորում «Սանտիագո Բեռնաբեուն» մարզադաշտը, - գրել է Մադրիդի «Ռեալի» նախկին հարձակվող Ռոնալդուն:

Հիշեցնենք, որ նախօրեին Մադրիդի «Ռեալն» իր պաշտոնական կայքում հայտարարել է ֆրանսիացի հարձակվող Կիլիան Մբապեի հետ պայմանագիր կնքելու մասին։ Մբապեի պայմանագիրը «Ռեալի» հետ նախատեսված է մինչև 2029 թվականը։

Հիշեցնենք, որ 25-ամյա հարձակվողը ՊՍԺ-ում էր 2018 թվականից։ 

Մբապեն իր տեղափոխության հետ կապված գրել էր. «Երազանք, որ իրականություն դարձավ։ Ես այնքան երջանիկ և հպարտ եմ, որ իմ երազանքների ակումբի՝ Մադրիդի «Ռեալի» մասն եմ կազմում: Անհնար է բացատրել, թե որքան ուրախ և հուզված եմ ես այս պահին։

Անհամբեր սպասում եմ ձեզ՝ Մադրիդիստների հետ հանդիպմանը և շնորհակալ եմ ձեր անհավատալի աջակցության համար: Հալա, Մադրիդ!