![](https://panorama.am/news_images/1004/3011733_1/53739036241_b6aeef4f2a_b.thumb.jpg)
ՀՀ-ն ու Ադրբեջանը յուրաքանչյուրը մյուսի Սահմանադրության մեջ էական խոչընդոտներ է տեսնում երկարատև խաղաղության հաստատման համար. Միրզոյան
«Հայաստանն ու Ադրբեջանն իրար առջև բարձրաձայնել են դիրքորոշում, համաձայն որի՝ յուրաքանչյուրը մյուսի Սահմանադրության մեջ էական խնդիրներ ու խոչընդոտներ է տեսնում երկարատև խաղաղության հաստատման համար»,- ԱԺ արտաքին հարաբերությունների հանձնաժողովում 2023 թվականի բյուջեի կատարողականի քննարկման ժամանակ ասաց ԱԳ նախարար Արարատ Միրզոյանը՝ պատասխանելով «Հայաստան» խմբակցության պատգամավոր Արմեն Ռուստամյանի հարցին, որ Հայաստանի օրակարգ է բերվում Սահմանադրությունը, տարբեր հոդվածներ փոխելու հարցը, որն ուղղակի Ադրբեջանի պահանջն է։
Ըստ նրա, սա ամենևին չի նշանակում, որ Հայաստանում սահմանադրական փոփոխությունների հարցը Հայաստանի ու Ադրբեջանի միջև բանակցությունների առարկա է կամ օրակարգի մաս է, այդպիսի բան չկա:
«Իհարկե, խնդիրները չեմ ժխտում, մենք էլ ենք ասում, իրենք էլ են ասում։ Համոզմունք ունենք, որ մեծ հաշվով Հայաստանի և Ադրբեջանի սահմանադրությունները չեն կարող խնդիր լինել իրավական առումով՝ երկարատև խաղաղության հաստատման համար»,- ասաց Արարատ Միրզոյանը։
ԱԳ նախարարի խոսքով, Սահմանադրության փոփոխության հարցը Հայաստանի ներքին որոշման հարց է:
«Հայաստան-Ադրբեջան բանակցությունների օրակարգի մաս ո՛չ մեր, ո՛չ իրենց Սահմանադրության փոփոխությունների հարցը չի կազմում», - ասաց Միրզոյանը։
Հարակից հրապարակումներ`
- Ադրբեջանի ԱԳՆ-ից կրկին խոսել են ՀՀ Սահմանադրության փոփոխության անհրաժեշտության մասին
- Նիկոլն այսօր փաստացի արձանագրել է, որ Ալիևի հետ համաձայնեցրել են ՀՀ Սահմանադրության փոփոխությունը. Արտակ Զաքարյան
Լրահոս
Տեսանյութեր
![Սուրենյան. Հայաստանին մոտենում է հերթական ցիկլոնը](https://panorama.am/video_images/17/49869_1/f6683d660d4d69_6683d660d4daa.jpg)
![Աղջկաս գիշերն եմ տարել, հանձնել հողին, խփում էին. Դավիթ Բեկի բնակիչ](https://panorama.am/video_images/17/49845_1/f667ff44f2ba7f_667ff44f2babf.jpg)
![Ավինյանը պետք է պատասխան տա ԱՆԻՖ-ի լուծարման համար. Քաղաքագետ](https://panorama.am/video_images/17/49832_1/f667ec7df01fc0_667ec7df0200f.jpg)
![Չարիքը պետք է վերացնենք և այո, ես դա հանձն եմ առել. Բագրատ Սրբազան](https://panorama.am/video_images/17/49824_1/f667ebd6bdf23c_667ebd6bdf284.jpg)