Ձեր վստահելի աղբյուրը

«Հենց նոր մի նոր աղբյուր հայտնաբերեցի մեր համար։ Չի՞ լինի՝ այդ 206 մլնն էլ տանք Հ1-ին, ինքը հարստացնի իր հաղորդումների մշակութային կրթական բազան, և «Շողակաթ»-ի հարցն ընդհանրապես փակենք»,- Հանրային հեռարձակողի խորհրդի նախագահ Արա Շիրինյանին հարցրեց ՔՊ-ական Արսեն Թորոսյանը։

Նա հարց հնչեցրեց, թե արդյո՞ք կա վիճակագրություն, թե քանի հոգի է նայում «Շողակաթը»,  նրա նպատակահարմարությունը ստուգվել է՞։

«Ենթադրում եմ, որ օրենքով է այդ ամեն ինչը կարգավորվում, բայց մենք կարանք փոխենք այդ օրենքը։ Կարող ենք այն հանենք և գումարները բյուջեով վերաբաշխենք Հանրային հեռուստաընկերությանը»,- հայտարարեց  Թորոսյանը։

Արա Շիրինյանը  հայտնեց, որ 206 մլն դրամը ընդհանրապես որևէ ալիք պահելու համար գումրա չէ։

Նշելով, որ գումարը իրոք փոքր է՝ Թորոսյանը կրկին բարձրացրեց «Շողակաթը» ՀԸ-ն գոյության նպատակահարմարության հարցը։

Շիրինյանն արձագանքեց, որ եվրոպական չափանիշի պահանջ է ունենալ կրթամշակութային հանրային սփռման հեռուստաալիք։