Ձեր վստահելի աղբյուրը

«Սյունիքում բազմահամակազմ դասարանների ուսուցիչենրի հավելավճարների դիմաց  կատարողականում մենք ուեննք 0 արդյունքային ցուցանիշը»,-այսօր ԱԺ մշտական հանձնաժողովների նիստում 2023թ կատարողականի քննարկման ժամանակ ԿԳՄՍ նախարար Ժաննա Անդրեասյանին դիմեց «Հայաստան» խմբակցության պատգամավոր Լիլիթ Գալստյանը և հարցրեց թե ինչո՞ւ է այդ վիճակը։

Նա նաև հարցրեց, թե ինչումն  է խնդիրը, որ սահմանամերձ և բարձ լեռնային բնակավայրերի ուսուցիչների փոխհատուցման կատարողակնը 13.75 %-ը։

«Սյունիքի բազմահամակազմը «0» եք տեսնում, քանի որ չափորոշիչները փոխվել է ոչ միայն Սյունիքում, այլ ամբողջ հանրապետությունում»,-պատասխանեց Անդրեասյանը։

Նա հայտնեց, որ չափորոշիչները փոխվել են և այլևս չեն նախատեսում բազմահամակազմ դասարաններ ունենալ, բացի արվեստի և ֆիզիկական կուլտուրայի առարկաներից։

Հաստատելով, որ հանրապետության ուսուցիչների ընդհանուր թվի միայն 14 % են հավելավճար ստանում՝ ԿԳՄՍ նախարարն ասաց, որ 2022 և 2023 թվականին ուսուցիչների ատեստացիան համընկել է Սյունիքում սահմանային լարումների օրերի հետ և նույնիսկ այդ ժամանակահատվածում ատեստացիայի եկել են ուսուցիչենրը։

Լիլիթ Գալստյանը նկատեց, որ մշակույթի ոլորտում կապիտալ շինարարության բարձր տոկոսի թերակատարումներ կան։

Ժաննա Անդրեասյանը հայտնեց, որ դրա մեծ մասը պայմանավորված են վատ նախագծերով և մշակութային օբյեկտների՝ դժվարամատչելի վայրերում գտնվելու հետ։

«Մեր հիմնական թերակատարումը տեղի է ունեցել Ցեղասպանության թանգարանում աշխատանքները սկսելու բարդության հետ»,-ասաց Անդրեասյանը՝ բացատրելով, որ այն նախագծի համալիր փորձաքննության արդյունքում է բացահատվել։