Ձեր վստահելի աղբյուրը

«Հաղթանակի ակնկալիքներ ունեմ, ուրիշ ոչ մի ակնկալիք»,- «Տավուշը հանուն հայրենիքի» շարժման հանրահավաքին հաջորդած երթի ժամանակ լրագրողներին ասաց  Սոս Սարգսյանի անվան Համազգային թատրոնի  դերասան Արման Նավասարդյանը։

Նա համոզված է, որ եթե  կազմակերպված ու համախմբած լինեինք, վաղուց հաղթանակի հասած կլինեինք։ Դերասանը նաև համոզված է, իշխանությունը ժողովրդի համառ պայքարին ընդառաջ կգնա։

«Եթե համառ պայքար լինի, ընդառաջ կգնա։ Մեծ գործ ունի ընդդիմությունը, նրանք, ովքեր մանդատ ունեն։ Մեծ գործ ունեն անելու։ Այստեղ ենք նաև ստիպելու մեր կողմից ընտրված պատգամավորներին, չէ՞ որ նրանք պատգամավոր են, մեր պատգամն ԱԺ-ում ներկայացնողն են։ Այդ իմաստով ունենք հորդոր, պահանջ, գնան վճռական քայլերի, ինչը վաղուց պետք է արվեր։ Պետք է համախմբի ոչ միայն Հայաստանի ժողովուրդը, նաև այն մարդիկ, ովքեր Հայաստանից դուրս են,  հայրենքը, Հայաստանը սոսկ բաժակաճառերի նյութ չէ, հոգևոր մեծ արժեք է»։

Արման Նավասարդյանն ասաց, որ այսօր Հանրապետության հրապարակում հավաքվել էր մեծ բազմություն ու ամենակարևորը՝ որակյալ։

«Պատրաստվեք հաղթանակի»,- ասաց դերասանը։