![](https://panorama.am/news_images/1005/3014111_1/f666581f2dec48_666581f2dec89.thumb.jpeg)
33 տարի անց ավարտվել է Իգոր Տալկովի սպանության գործի քննությունը
Քննիչները ավարտել են Իգոր Տալկովի սպանության հետաքննությունը։
«Երգչի համերգային տնօրեն Վալերի Շլյաֆմանը մեղադրվում է սպանության և հանրաւթյան համար վտանգավոր եղանակով սպանության փորձի մեջ»,-հաղորդում է ՌԴ Քննչական կոմիտեն, որին անդրադարձել է rbc-ն։
«Հետաքննությունը պարզել է, որ 1991 թվականի հոկտեմբերին Յուբիլեյնի սպորտային պալատի կուլիսներում ծագած կոնֆլիկտի ժամանակ մեղադրյալի և երգիչներից մեկի՝ Իգոր Մալախովի ներկայացուցչի միջև վիճաբանության ժամանակ, Շլյաֆմանը փորձել է ատրճանակով Մալախովին կրակել, բայց մահացու վիրավորվել է Տալկովին»,- հայտնել են գերատեսչությունում։
Քրեական գործի վարույթը կասեցվել է 1993 թվականի մարտին այն պատճառով, որ Շլյաֆմանը թաքնվել է հետաքննությունից։
«Քրեական գործի քննությունը վերսկսվել է 2018 թվականին՝ օրենսդրության և դատական պրակտիկայի փոփոխությունների պատճառով, քանի որ հնարավոր է դարձել գործը քննել ամբաստանյալի բացակայությամբ և դատավճիռ կայացնել հեռակա»,-պարզաբանել է փաստաբան Նինա Ավերինան։ Նա ներկայացնում է երգչի կնոջ՝ Տատյանա Տալկովայի շահերը։
Տալկովը սպանվել է 1991 թվականի հոկտեմբերին Յուբիլեյնի սպորտային պալատում, որտեղ տեղի էր ունեցել բազմաթիվ արտիստների խմբակային համերգը։ Դրա ժամանակ փոխվել է արտիստների ելույթների հերթականությունը, ինչը կոնֆլիկտ է առաջացրեց Տալկովի և երգչուհի Ազիզայի թիմի միջև: Ազիզայի անվտանգության աշխատակից Իգոր Մալախովը փորձել է մտնել Տալկովի հանդերձարան, սակայն երգչի պահակները նրան ներս չեն թողել, ինչից հետո Մալախովը հանել է զենքը։ Միջանցքում քաոսային փոխհրաձգություն է սկսվել, որի ժամանակ կրակել են միջանցք դուրս եկած երգչի վրա, բայց չէր պարզվել, թե կոնկրետ ով է դա արել։
Սկզբում մեղադրում էին Մալախովին, սակայն ցուցմունք տալուց հետո հետաքննությունը որոշեց, որ նա չի կարող կրակել երգչի վրա։ Այնուհետև կասկածը ընկավ Տալկովի համերգային տնօրեն Վալերի Շլյաֆմանի վրա, ով Ուկրաինայի տարածքով փախավ Իսրայել։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան