Ձեր վստահելի աղբյուրը

Այսօր 16։00-ին սպասվում ԱԺ նիստ՝ հաստատելու վաղվա օրակարգը, այն է՝ ՀՀ քաղաքացիների պահանջով իշխող կառավարության հրաժարականը։ Ժամը 15։30-ին Բագրատ Սրբազանի կոչով քաղաքացիները հավաքվելու են ԱԺ շենքի դիմաց՝ իրենց պահանջը ակնհայտ դարձնելու համար։

«Մենք արդեն 3 ժամ առաջ մուտքագրել ենք ԱԺ պատգամավորների՝ թվով 33 ստորագրություններով առաջարկը։ Գործող օրենքի համաձայն՝ եթե արտահերթ նիստը պետք է գումարվի մինչև 5 աշխատանքային օր առաջ, ապա դրա համար անհրաժեշտ է ԱԺ խորհրդի դրական դիրքորոշումը։ Մենք մեր դիմումի մեջ նշել ենք, որ օրենքի դրույթը պահպանվի, և նաև՝ անկախ խորհրդի ցանկությունից,  այս նիստը գումարվի»,-լրագրողներին սպասվող գործառույթը ներկայացրեց «Հայաստան» խմբակցությունից Արծվիկ Մինասյանը։

Նա հայտնեց նաև, որ եթե ԱԺ խորհուրդը ինչ-որ պատճառով դեմ քվեարկի այս օրակարգով (Նիկոլ Փաշինյանի և նրա կառավարության հրաժարականի-խմբ) հարցին, ապա օրենքի ուժով 5 օրը լրանալուն պես կգումարվի արտահերթ նիստ։

ՀՀ սահմանադրությամբ՝ արտահերթ նիստը գումարելու համար անհրաժեշտ է 27 պատգամավորի ստորագրությունը, որը և ավելի քան ապահովված է։

Նշենք, որ ոստիկանական զորքերը արդեն շրջապատել են ԱԺ-ն, սակայն առանց նույն պահանջի՝ նրանք ուղղակի փակել են ԱԺ մուտքը ու դեպի կառավարական ամառանոցներ ճանապարհը։ Ոստիկանները նաև խուզարկում են Հանրապետության  մայրուղիներով անցնող բոլոր ավտոմեքենաները։