Ձեր վստահելի աղբյուրը

«Չեմ կարող ասել իմպիչմենտը  կսկսվի, թե ոչ, չեմ ուզում գնահատական տալ մի բանին, որը կոնկրետ ինձանից, մեզանից կախված չէ»,- Բաղրամյան պողոտայում լրագրողների հետ զրույցում ասաց  քաղաքագետ, «Տավուշը հանուն հայրենիքի» շարժման անդամ Սուրեն Պետրոսյանը։

Նա նշեց, որ չպետք է դրա վրա շատ կենտրոնանալ, դա իրավական տեխնիկայի ընդամենը մի գործիք է, ամենակարևորը՝ հանրային ճնշումն է, որը կա, պետք է շատանա, դրանից հետո կլինի անվստահություն, թե մեկ այլ իրավական տեխնիկա կօգտագործվի, արդեն հարցի մյուս կողմն է։

«Համոզված եմ, որ այս գործողություններն անպայման հաջողության հասնելու են։

Ես վստահ եմ մեր վրա, երբեք որևէ պարագայում չենք շեղվելու մեր սկբունքներից, արժեքներից, որևէ պարագայում  հետքայլը չի լինելու։

Տուն գնալ ասվածը չի լինելու, տուն գնալու այլևս տեղ չունենք. գնում ենք տուն՝ վերջնականապես հանձնելո՞ւ Հայաստանը, ո՞ւր ենք գնում։ Եթե նույնիսկ ինչ որ մի փուլը չհաջողի, անցնի մյուս փուլին, որտեղ անպայման հաջողելու է։ Բայց համոզված եմ, այս փուլում որոշակի արդյունքներ գրանցելու ենք, այն արդյունքները, որը մենք բոլորս ակնկալում ենք»,- ասաց Սուրեն Պետրոսյանը։