![](https://panorama.am/news_images/1006/3015221_1/photo_2024_06_09_19_36_11.thumb.jpg)
Հունիսի 17-ին նախատեսված ԱԺ արտահերթ նիստը գումարվելու է․ Ազգային ճակատ
Ազգային Ճակատը հայտարարություն է տարածել, որում ասվում է․
«Մայիսի 10-ին Երևանում տեղի ունեցած բազմամարդ հանրահավաքի դիմումի համաձայն` ՀՀ ԱԺ «Հայաստան» և «Պատիվ ունեմ» խմբակցությունները ԱԺ են մուտքագրել «Կառավարության հրաժարականի և նոր կառավարություն ձևավորելու» վերաբերյալ ԱԺ ուղերձի նախագիծը, որի հիման վրա ԱԺ ընդդիմադիր խմաբակցությունների պահանջով և իրավունքի ուժով հունիսի 17-ին պետք է գումարվի ԱԺ արտահերթ նիստ։
Միաժամանակ, ԱԺ ընդդիմադիր խմբակցությունները պահանջել են ուղերձի նախագծի քննարկումը ներառել նաև ԱԺ նիստերի օրակարգ:
Այդ նպատակով հունիսի 11-ին պետք է գումարվեր ԱԺ համապատասխան հանձնաժողովի նիստ:
Իշխող մեծամասնությունն այդ նիստը գումարել է գաղտագողի, առանց հանձնաժողովի ընդդիմադիր անդամների պատշաճ իրազեկման և օրենքի խախտումով: Ավելին, համապատասխան Հանձնաժողովի նիստը գումարվել է ԱԺ կանոնակարգ օրենքի խախտումով, ըստ որի` ԱԺ հանձնաժողովի նիստը չի կարող գումարվել ԱԺ լիագումար նիստին զուգահեռ:
Փաստացի` իշխող մեծամասնությունը փորձել է տորպեդահարել ԱԺ-ի կողմից Շարժման պահանջով հայտարարության քննարկումը ԱԺ-ում, սակայն դա նրանց չի հաջողվել, քանի որ հունիսի 17-ին ԱԺ արտահերթ նիստը գումաուվելու է օրենքի ուժով:
Հունիսի 17-ին նախատեսված նիստը, շնորհիվ ընդդիմադիր խմբակցությունների՝ ԱԺ մուտքագրած ուղերձի նախագծի, գումարվելու է»:
Հարակից հրապարակումներ`
- ԱԺ արտահերթ նիստ հրավիրելու նախագծի քննարկումը մինչև 2 ամսով հետաձգվել է
- ԱԺ արտահերթ նիստ կկայանա հունիսի 17-ին ժամը 18։30-ին. Ժողովրդի պահանջը պետք է լինի հուժկու. Մինասյան
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան