Ձեր վստահելի աղբյուրը

«Այսօր հարց ու պատասխանի օր է և ողջ կառավարության կազմը գտնվում է Խորհրդարանի ներսում։ Մենք բազմաթիվ հարցեր ունեինք և կոչ արեցինք, որպեսզի անհապաղ հրաժարականի դիմում ներկայացնի։ Այս կառավարությունն այլևս լեգիտիմ չէ, չի ներկայացնում հայ ժողովրդի շահերը և սպասարկում է թուրք-ադրբեջանական տանդեմի շահերը ՝ կատարելով նրանց բոլոր հրահանգները»,- այս մասին ԱԺ-ի դիմաց հայտարարեց ԱԺ պատգամավոր Գառնիկ Դանիելյանը։

Նա նշեց, որ այս ամիսների ընթացքում իրականացվող պայքարը եկել է հասել տրամաբանական ավարտին։

«Այսօր պետք է ցույց տանք, որ հայ ժողովուրդը հաշտ չէ իրեն պարտադրվող հակահայ օրակարգի հետ։ Կոչ ենք անում մեր հայրենակիցներին՝ ակտիվ մասնակցելու,  գալ Բաղրամյան փողոց և մասնակցել ակցիաներին»,- ասաց նա՝ հավելելով․«Պահը և ժամը եկել է»։

Նա նաև նշեց, որ ԱԺ-ում  տասնյակ հազարներով մարդիկ են բերվել՝ այս կառավարության  անվտանգությունը հսկելու համար։

«Այս մարդիկ վախերի մեջ են, որովհետև գիտեն ինչ են արել։ Ինչպես սրբազանն է ասում ՝ նրանք ունեն հնարավորություն ընտելու ՝ հայրենիքը, քանի ուշ չէ, սթափության կոչ ենք անում բոլոր նրանց, որոնք բռնություն են կիրառում քաղաքացիների նկատմամբ»,- ասաց նա։