Ձեր վստահելի աղբյուրը

«Այսօր լուսաբացին Նիկոլ Փաշինյանը եկել էր ԱԺ, և, իմ տեղեկություններով, գրեթե ամբողջ օրը գտնվելու է այնտեղ»,-Բաղրամյան պողոտայում անցկացվող շուրջօրյա ակցիայի վայրում  Panorama.am-ին ասաց ԱԺ պատգամավոր,  «Տավուշն հանուն հայրենիքի» շարժման ներկայացուցիչ Գառնիկ Դանիելյանը։

«Տավուշն հանուն հայրենիքի» շարժման ներկայացուցիչը հայտնեց, որ  Նիկոլ Փաշինյանի համար առավոտվանից խորհրդարանում աննախադեպ անվտանգային միջոցառումներ են իրականացվում։

«Աթոռներն էին ստուգել, ջրերն էին հավաքել, շատ մեծաքանակ ԱԱԾ և անվտանգության աշխատողներ են հսկում ԱԺ-ի ցանկապատներից ներս, ասում են դիպուկահարներ էլ կան։ Այսինքն, այս մարդը վախերի մեջ է ապրում, որովհետև այն ինչը, որ կատարվում է Հայաստանի Հանրապետության հետ և այն, ինչ պլանավորում են անել, այն մեր երկրի համար ճակատագրական և բախտորոշ է»,- ասաց Գառնիկ Դանիելյանը և նշեց, որ Փաշինյանը լավ է հասկանում, որ սպասվող նոր զիջումները կլցնեն ժողվորդի համբերության բաժակը։

Նրա խոսքով՝ անհնազանդության ակցիաներին մասնակցող և աջակցող ժողովրդի մեծ զանգվածներոը փաստում են, որ հաշտ չեն այն իրականության հետ որը փորձում է ներկայացնել գործող իշխանությունը։

«Մենք պատրաստ չենք մեր հայրենիքը, հանձնել , նվիրաբերել թշնամուն, ինչպես իրենք են անում»,-հայտարարեց ընդդիմադիր պատգամավորը՝ ակնարկելով ՔՊ-ական իշխանությանը։