Ձեր վստահելի աղբյուրը

«Լեռնային Ղարաբաղի կղերաֆեոդալական էլիտայի այն ներկայացուցիչները, ովքեր ոտքի վրա ճոռոմ կենցաներ էին  խմում ու մեզ մեղադրում դավաճանության մեջ, երկու ժամում հանձնվեցին»,- ԱԺ-ում հայտարարեց, ինչպես ինքն իրեն երեկ ներկայացրեց՝ «Առաքելական Եկեղեցու հետևորդ» Նիկոլ Փաշինյանը։

Շարունակելով  փաստազուրկ մեղադրանքները, ի պաշտոնե ՀՀ գերագույն հրամատարը նետեց, թե «այդ մարդիկ մի քանի միլիարդ դոլարի զենքը հանձնել են Ադրբեջանին»։ 

Սա ասում է 2020 թվականի նոյեմբորի 9-ին Արցախի Հանրապետության կապիտուլյացիոն փաստաթուղթը ստորագրած մարդը, ով խախտելով իր այդ ստորագրությունն անգամ՝ համայեց իրենց դիրքերից էլ նահանջեն հայկական զորքերը՝ տալով շատ ավելի տարածքներ, քան նախատեսել էր փաստաթուղթը։

Շարունակելով ատելություն սերմանել այն մարդկանց նկատմամբ, ում իր ու Ալիևի «զրոյական բանակցություններով» զրկեց Հայրենիքից, դարձրեց բռնագաղթված, Փաշինյանը ասաց.  

«Հիմա եկել են, ուզում են Հայաստանում իշխանափոխություն անել, որ, ինչպես Ղարաբաղը հանձեցին, այնպես էլ՝ Հայաստանը հանձնեն ՀԱՊԿ-ին։ Բայց ես ուզում եմ հստակ ասել կղերաֆեոդալական էլիտային՝ դուք Հայաստանում կառավարության փոփոխություն չեք կարող իրականացնել, որովհետև  ժողովրդից ծնված ու ժողովրդից սնվող լեգիտիմության առաջ դուք ուղղակի անզոր եք։

Հայաստանում կառավարության փոփոխություն կարող է իրականացնել միայն ինքնիշխանը՝ Հայաստանի ժողովուրդը, երբ ուզենա։ Կուզենա՝ կանի, չի ուզենա՝ չի անի»։ 

Երեկ բազմաթիվ ֆեյք օգտատերեր նույն այս խոսքերը գրում էին հրապարակումների տակ, ոստիկանական գործողություններից վիրավորվածներին ասլեով՝ «տեղն է ձեզ, սատկեք»։