![](https://panorama.am/news_images/1006/3016202_1/f666ac20905d0f_666ac20905d4f.thumb.png)
Մարդիկ փորձում Էին վիրավորին տեղափոխել և ոստիկանությունը նրանց մեջ նռնակ է գցում. Ավետիք Չալաբյան
«Ես ինքս մոտիկից ականատես եմ եղել կատարվածին և այն ինչ իրականացրել է ոստիկանությունը, բացարձակ անհամաչափ էր իրավիճակին։ Մի իրավիճակում, երբ մարդիկ նահանջում են, նրանց հետևից նռնակներ նետելը որևէ խելամիտ, իրավաչափ նպատակ չի կարող հետապնդել»,- Panorama.am-ին ասաց «ՀայաՔվե» նախաձեռնության համահիմնադիր Ավետիք Չալաբյանը։
Նա տեղեկացրեց, որ ոստիկանությունը նռնակներ է նետել վիրավոր մարդկանց տարհանող մարդկանց վրա։
«Կան կադրեր, որ մարդիկ փորձում են վիրավորին տեղափոխել և նրանց մեջ նռնակ են գցում որպեսզի լրացուցիչ վնաս հասցնեն, սա կարող է լինել միայն մեկ դեպքում՝ երկրում քաղաքացիական պատերազմի դեպքում»,- ասաց Չալաբյանը։
Նրա խոսքով՝ կա երկու կողմ, որից մեկը փորձում է բիրտ ուժի կիրառմամբ մյուսին ահաբեկել։
Չալաբյանն ասաց, որ անպայման իրավական ընթացք են տալու գործընթացին, քանի որ 100-ից ավել վիրավորներ կան՝ նաև ծանր, այդ թվում Genesis Armenia ուղեղային կենտրոնի հիմնադիր Աբրահամ Գասպարյանը, որին առանձնացրել են, տապալել գետնին և 10 ոստիկանով սկսել են ծեծել։
«Բայց ես որևէ սպասելիք չունեմ, որ այս հանցագործ իշխանությունն ինքն իր ստրուկներին պատժելու է»,-հայտարարեց հասարակական-քաղաքական գործիչը։
Հարակից հրապարակումներ`
- Լարված իրավիճակ կառավարության մոտ՝ ոստիկանները մեջքով շրջվեցին դեպի ժողովուրդը
- Ոստիկանները առևանգել են նաև Genesis Armenia ուղեղային կենտրոնի հիմնադիր Աբրահամ Գասպարյանին
- Ոստիկանները ռետինե մահակներով հարվածում են քաղաքացիներին
- Ոստիկանները Պռոշյան փողոցից բերման են ենթարկում քաղաքացիներին
Լրահոս
Տեսանյութեր
![Սուրենյան. Հայաստանին մոտենում է հերթական ցիկլոնը](https://panorama.am/video_images/17/49869_1/f6683d660d4d69_6683d660d4daa.jpg)
![Աղջկաս գիշերն եմ տարել, հանձնել հողին, խփում էին. Դավիթ Բեկի բնակիչ](https://panorama.am/video_images/17/49845_1/f667ff44f2ba7f_667ff44f2babf.jpg)
![Ավինյանը պետք է պատասխան տա ԱՆԻՖ-ի լուծարման համար. Քաղաքագետ](https://panorama.am/video_images/17/49832_1/f667ec7df01fc0_667ec7df0200f.jpg)
![Չարիքը պետք է վերացնենք և այո, ես դա հանձն եմ առել. Բագրատ Սրբազան](https://panorama.am/video_images/17/49824_1/f667ebd6bdf23c_667ebd6bdf284.jpg)