Ձեր վստահելի աղբյուրը

«Տավուշը հանուն հայրենիքի» շարժումը, Բագրատ արքեպիսկոպոս Գալստանյանի առաջնորդությամբ, Բաղրամյան պողոտայում իր հավաքն ավարտեց աղոթքով ու Հայաստանի օրհներգով։

Մինչև այդ Բագրատ Սրբազանն ասել էր. «Հունիսի 17-ին, 18․30-ից սկսած կհավաքվենք այստեղ, այդ օրը տեղի է ունենալու ընդդիմադիր խմբակցությունների պահանջով հրավիրված նիստը։

Այս շարժումը պետք է դառնա ավելի ընդգրկուն, ավելի քաղաքացիական, ավելի մեծ, հզոր ու ճնշող ու վերջնական հաղթական կնքող։

Վաղվանից կամ այս գիշերվանից Բաղրամյան փողոցի մեր այս ավանը պետք է դուրս գա, որովհետև մեր 4-օրյա գործընթացն ավարտված է։
Ուրբաթ, շաբաթ, կիրակի մենք պետք է հանդիպենք տարբեր քաղաքական ուժերի հետ։
Ես ուզում եմ մեր ամբողջ շարժումը վերադասավորել և առաջիկա ժամանակաշրջանը դարձնել ավելի մեծ ու ընդգրկուն և շարժումը հասցնել հաղթական ավարտի»։

Սրբազանը նաև ասել էր. «Երկվություն կա իմ մեջ, ի վերջո հոգևորական ծառայության իմ կոչումը լրիվ ուրիշ աստճանի վրա է, ուրիշ միջավայրում։

Անսովոր է այն միջավայրը, որում հայտնվել եմ, անսովոր է այն բառապաշարը, որը ցավոք հաճախ գործածում եմ ու դրա համար պետք է մի 20 տարվա ճգնություն, որպեսզի մաքրվեմ։
Եվ այդ երկվությունն անընդհատ բախվում է իմ մեջ»։