Ձեր վստահելի աղբյուրը

7 օրում՝ 1 միլիոնից ավելի դիտում․ «Էլ ով, էլ ով»,  եթե ոչ Էռնեստ Օգաննիսյանը. հերթական անգամ գերազանցում է սեփական ռեկորդները և նվաճում հայկական շոու բիզնեսի բարձունքները։

Էռնեստ Օգաննեսյանի և Արման Անտոնյանի համագործակցության նոր «ծնունդը» իսկական ֆուռոռ է առաջացրել երգչի յութուբյան ալիքում։ Երկրպագուները շնորհավորում են երգչին և իրար նոր հիթի համար՝ ուշադրություն դարձնելով այն փաստի վրա, որ իրար հաջորդող հերթական հաջողված կատարումն է այս խարիզմատիկ արտիստը ներկայացնում իր լասարանի դատին։

Էռնեստի երկրպագուները, սակայն, հաջողել են հայտնաբերել մի «թերություն»․ պնդում են՝ երգը կարճ է։ Այնուամենայնիվ, նկատում են՝  նոր «Տարվա երգիչ» է հասունանում։

Ուշադրությունից չի վրիպել երգչի իմիջային փոփոխությունները, քանի որ արտիստը ամեն նոր կատարմամբ հանդես է գալիս նորովի։ Դեռևս «Միլիոն վարդեր» երգով, որ հաշված օրերի ընթացքում 6 միլիոնից ավել դիտում էր գրանցել, սիրո երգիչը նոր ոճ ու ձեռագիր էր թելադրում։ Սակայն համարձակ ու նորաձև լինելը ՆՐԱ մասին է։ 

Երգը ցնցել է ոչ միայն Էռնեստի յութուբյան ալիքը, այլև տպավորիչ արդյունքներ գրանցել սոցիալական մյուս հարթակներում։ Իստագրամյան ալիքում միայն օրերի ընթացքում տասնյակ հազարավոր հավանումներ ու բազմաթիվ մեկնաբանություններ, որորնք թույլ են տալիս պնդել․ ՆԱ նվաճել է հավասարապես կանանց և տղամարդկանց, երիտասարդներին և ավելի բարձր տարիքային խմբերին, հայաստանցիներին և սփյուռքահայերին։

Կարևոր է նկատել, որ Էռնեստի այս 2 երգերն էլ Յութուբյան հայկակակ հարթակի ամենապահանջված երգերի թոփ հնգյակում են։

Շարունակում ենք հետևել այս երգչի հաջողություններին և ձեզ ներկայացնել նորությունները։

Առաջարկում ենք դիտել տեսանյութը։

Հեղինակ՝ Տ.Մանուկյան