Ձեր վստահելի աղբյուրը

«Հունիսի 12-ը նույն «Մարտի 1» է մեր կյանքում, ուղղակի այն մարդն էր բացակայում բեմից, որն ասում էր՝ երկաթներ վերցրեք, ոստիկաններին ջարդեք, հոգիս փառավորվել է․․․ ուղղակի դա էր բացակայում»,- Բաղրամյան փողոտայում ընթացող հանրահավաքին ասաց Բագրատ Սրբազանը՝ նկատի ունենալով Նիկոլ Փաշինյանին։

Ոստիկանների արարքը Սրբազանը որակեց խուլիգանական՝ նշելով , որ մարդկանց խոշտանգել են՝ անկախ սեռից ու տաիքից։

«Համակարգի մեջ է ներդրված դա և ովքեր այդ համակարգի մեջ գործում են, այո՛, արյունով են այդ հացը ուտում»,- ասաց նա՝ շեշտելով մեր երկրում որևէ քաղաքացի պաշտպանված չէ։

Անդրադառնալով գործարարների նկատմամբ ճնշումներին, Սրբազանը հորդրորեց բոլոր գործորաներին լուռ չմնալ և իրենց ընկերների կողքին կանգնել։

«Շարժման կողքին պետք չի կանգնել, ձեր ընկերների կողքին կանգնեք, որոնց հետ ճանապարհ եք անցել»,- ասաց նա։

Ըստ նրա՝ թշնամին սահմանին է սպառնում, իշխանություններն էլ՝ այստեղ։

«Այս մարդիկ մարդասպաններ են՝ հոգով են սպանում, ֆիզիկապես են հարձակվում և դեռ մեզ են վերագրում դա։ Դրանցից մեկ դատի եմ տալու»,- ասաց Սրբազանը։

Անդրադառնալով շարժման և անձամբ՝ Սրբազանի հասցեին հնչող հերյուրանքներին, մասնավորապես ՝ «ռուսական գործակալ»-ներ են կոչում  , Բագրատ Սրբազանն ասաց․

« Ասեմ ինչու են այդպես ասում կամ շարժումը կապում Ռոբերտ քոչարյանի անվան հետ։ Վեց անգամ սոցոլոգիական հարցումներ են արել,  շաբաթը՝ մեկ, փորձել են տեսնել, թե ինչ կառույցներ են,ռեյտինգներ։ Ընդ որում՝ այդ շարքում եղել է ստախոսը։ Նրա պարագայում հարցումները եղել են հայհոյանքներով, ծայրից ծայր։ Եկել է հակառեյտինգ  այսպես կոչված՝ Ռուսաստան և ՀՀ երկրորդ նախագահ և որոշել են իրենց ամբողջ քարոզչությունը տանել, կապել ռուսական քարոզչության կամ երկրորդ նախագահի կերպարով փորձել վախեցնել բոլորին։ Մարդկանց այդ թունավորումն են ներարկել ՝ առանց աամաչելու։ Անամոթաբար ասում են՝ այս շարժումը տեղի է ունենում Գարեգին երկրորդի և Ռոբերտ Քոչարյանի գլխավորությամբ, այսինքն՝ այնքան են պայթել, որ ամբիոնից են հայտարարում այդ մասին։ Վստահեցնում եմ՝ էս շարժումը ոչ մեկի հետ կապ չունի, ո՛չ հյուսիսի,ո՛չ հարավի,  ո՛չ արևելքի, ո՛չ արևմուտքի, ո՛չ անցյալի, ո՛չ ներկայի, միայն ապագայի հետ կապ ունի, էն էլ սրանք ասում են ՝ ապագա չկա»,- ասաց նա։

Սրբազանը շեշտեց, որ իրենց հանգործությունը թաքցնելու համար, անուններ են կապում այս շարժման հետ։