Ձեր վստահելի աղբյուրը

Մենք այս պայքարի այլընտրանքը չունենք։  Այս մասին Բաղրամյան պողոտայում ընթացող հանրահավաքին ասաց  «Հայաստան» խմբակցության պատգամավոր Գառնիկ Դանիելյանը։

«Մեր վրա կրակել են, փորձել են սպառնալ, վախեցնել՝ բանտերով, ԱԱԾ-ի ստորաբաժանումներով, մարդկանց ապօրինի անազատության մեջ պահելով, աշխատանքից ազատելով, արցախցիներին թիրախավորելով, բայց մենք ցույց ենք տվել, որ բոլոր այդ սպառնալիքների վրա թքած ունենք։ Ոչ մեկ և ոչինչ մեզ հետ չի պահելու մեզ պայքարից»,- ասաց պատգամավորը։

Նա ընդգծեց, որ այս օրերի ընթացքում քաղաքացիները ցույց են տվել իրենց աննահանջ պայքարը։
«Մենք երբեք չենք փախել, մեզնից են փախել, ճողոպրել, մտել բունկերները, իրենց պլանները հետաձգել»,- հավելեց նա։

Դանիելյանն ընդգծեց, որ առանձնահատուկ թիրախավորում են արցախցիներին։

«Այն մարդիկ, որոնք  կթիրախավորեն արցախցիներին՝ իրենց պատկանելիության, հող ու ջրի համար, կստանան արժանի պատիժը։ Որևիցե մեկն իրավունք չունի թիրախավորել արցախցիներին»,- հավելեց նա։