Ձեր վստահելի աղբյուրը

Նիկոլ Փաշինյանը Սրբազան շարժումը որակեց «Ղարաբաղի կղերաֆեոդալական էլիտայի շարժում», այն դեպքում, երբ Բագրատ Սրբազանը պարբերաբար հայտարարում է, որ  պայքարում է «սահմանազատման» քողի տակ միակողմանի զիջումները և կապիտուլյացիոն գործընթացները կանխելու համար, նաև նշում է, որ Նիկոլ Փաշինյանը պետք է հեռանա, քանի որ չի կատարել նախընտարկան  և կառավարության ծրագրում ժողվորդին  տված խոստումները, մասնավորապես՝ Հայաստանի և Արցախի Հանրապետության անվտանգային հարցերում։ Հնչեցված վերջին փաստարկներին չանդրադառնալով՝ Փաշինյանը որակավորում  է Սրբազան շարժումը։ Վերոհիշյալ և Սրբազան շարժման հետագա գործողություններին առնչվող հարցերի շուրջ  իր դիրքորոշումը «Panorama-hարցազրույց»-ի տաղավարում հայտնեց քաղաքագետ Հրանտ Միքայելյանը։

Հարցազրույցում հնչեցված հիմնական թեզերը՝ ստորև.

•Սրբազան շարժումը միտված է ապապետական գործունեության, տարածքների հանձնման, անվտանգային համակարգի կործանման, Արցախի հանձնման, և, իհարկե, տավուշյան նոր տարածքների հանձնման դեմ։ Տեսնեում ենք, թե այս շարժումն ինչ համատեքստում է։ Եթե Փաշինյանը դուրս գա և ասի, որ այս ամեն ինչի դեմ է, ապա այդ դեպքում Փաշինյանն ինչ է անելու, պարզ է, որ նա պետք է մի կերպ իր էլեկտորատին խաբի, որպեսզի շարունակի պաշտոնավարել իր տրամաբանության մեջ։

•Ես ուզում եմ հասկանալ, թե օտարերկրյա գործակալները, որոնք հավաքվել են Հայաստանի իշխանության մեջ, երբվանից ավելի շատ ձայն ունեն, քան Հայ առաքելական եկեղեցին։ Եթե եկեղեցին շարժում է նախաձեռնում, ապա այն նշանակում է, որ յուրաքանչյուր հայ այն պետք է ողջունի, աջակցի։

•Արցախցիներին այս մարդը և այս կառավարությունը զրկել է ամեն ինչից՝ հայրենիքից, պետությունից, ունեցվածքից, բարեկամներից, ովքեր մահացել են այս պատերազմներում և հիմա պետք է սուս նստե՞ն, որ այս կառավարությունը ցեխ չշպրտի՞։ Արցախցիները բոլոր իրավունքներն ունեն ցանկացած երկրում և տարածքում, հատկապես Հայաստանում ամենաբարձր ձայնը բարձրացնելու։ Եթե Փաշինյանը ճիշտ է, ապա այս շարժումն էլ ավելի ճիշտ է, քան եթե նա սխալ է։

•Ի՞նչ էր անում Փաշինյանը նախքան «հեղափոխությունը»։ Տարիներով հակաարցախյան քարոզչություն էր անում, հակաարցախյան հողի վրա հավաքել է տարբեր մարդկանց, ում հետ, որ դրսի աջակցությամբ արել է հեղաշրջում, որի արդյունքում Հայաստանը կրել է անդառնալի կորուստներ, որոնք տասնամյակներով, գուցե՝ դարերով պետք է շտկել։ Այն դեպքում, երբ ունեցել ենք բազմաթիվ խնդիրներ, բայց հիմա գումարվել են այնպիսինները, որ մենք Հայաստան-պետության գոյատևման մասին ենք խոսում։

•Եթե Փաշինյանը 2018 թվականին ասեր, որ Արցախը պետք է լինի Ադրբեջանի կազմում, ինչպես վերջերս հայտարարեց, ապա արդյո՞ք իրեն կաջակցեին։ Նա բոլորից լավ գիտի, որ իրեն չէին աջակցի։ Արդյո՞ք եթե Փաշինյանը չգար իշխանության Արցախը կլիներ Ադրբեջանի կազմում, ավելի քան համոզված եմ, որ՝ ոչ։ Այսպիսով Փաշինյանն հիմա ասում է այն, ինչ Ալիևը կուզենար լսել, այն, ինչը կուզենար անել և արել է։ Այսպիսով, Փաշինյանը կատարում է Հայաստանի թշնամիների ծրագիրը՝ Արցախը ճանաչելու Ադրբեջանի կազմում և այդ ծրագիրը նա սկսել է 2018 թվականին, բայց հիմա դեռ չի ավարտել, որովհետև մինչև վերջ դեռ ամեն ինչը ճանաչված չէ և բազմաթիվ հարցեր են մնացել, ինչպես օրինակ՝ Մինսկի խմբի ցրումը և այլն։

•Եթե Սրերժ Սրգասյանը հեռանալուց առաջ կարող էր մտածել, որ նրան կդատեն կոռուպցիայի համար, թեև տեսնում ենք, որ արդարացվել է, պարզ է, որ կոռուպցիայի որոշակի մակարդակ կար։ Ամեն դեպքում՝ Սերժ Սրագսյանին մեղադրում էին կոռուպցիայի մեջ, բայց Փաշինյանին մեղադրում են պետական դավաճանության մեջ։ Դրա համար Սերժ Սրագսյանը շատ ավելի հեշտ է հրաժարվել իշխանությունից, քան Փաշինյանը։ Վրջինս գիտի, որ շատ լուրջ երաշխիքներ  պետք է ստանա, որպեսզի չդատվի, բայց ինքն ամեն ինչ է անում, որպեսզի այդ երաշխիքները երբեք և ոչ մեկից չստանա։

Հարցազրույցն ամբողջությամբ՝ կից տեսանյութում։