Ձեր վստահելի աղբյուրը

«Ես չեմ փախել, ես այստեղ եմ»,-արձագանքելով հանրային մեղադրողի՝ դատավորին բացարկ հայտնելու միջնորդությանը՝ ասաց Իմնեմնիմի փոդքասթի համահեղինակ, «Իմնեմնիմիի գործով» մեղադրյալ Վազգեն Սաղաթելյանը։

Նա նշեց՝ իր տպավորությամբ այսօր հանրային մեղադողը պետք է գար ու ընդուներ, որ իր կանխատեսումները, մտավախությունները չեն արդարացել։

«Ես չեմ փախել, ես հաղորդում չեմ վարում, հանրային դաշտում օգտագործում եմ նորմատիվ բառապաշար»,-ասաց նա՝ ընդգծելով, դա նշանակում է, որ դատավորի ընտրած վարչական վերահսկողության գործիքակազմն աշխատում է։

Իմնեմնիմի փոդքասթի համահեղինակ, «Իմնեմնիմիի գործով» մեղադրյալ Նարեկ Սամսոնյանն էլ կրկնեց իր համոզումն այն մասին, որ իշխանության նպատակն իրենց անազատության մեջ պահելն է։

«Ժամանակը գա, անաչառության ու անկողմնակալության մասին կխոսենք նաև մենք»,-ասաց Սամսոնյանը։