![](https://panorama.am/news_images/1007/3018464_1/capture.thumb.jpg)
Մահացել է «Տղամարդ և կին» ֆիլմի աստղ Անուկ Էմեն
Ֆրանսիացի դերասանուհի Անուկ Էմեն, ով առավել հայտնի է «Տղամարդը և կինը» ֆիլմից, մահացել է 92 տարեկան հասակում։ Լուրը հայտնում է france24.com կայքը։
Դերասանուհու մահվան մասին տեղեկացրել է նրա դուստրը՝ 72-ամյա դերասանուհի Մանուելա Պապատակիսը։ Անուկ Էմեն մահացել է Փարիզի տանը՝ շրջապատված ընտանիքի անդամներով։
1950-1980-ական թվականների ֆրանսիացի ամենահայտնի դերասանուհիներից մեկն է։ Արժանացել է ազգային և միջազգային բազմաթիվ մրցանակների։
Դերասանուհին նկարահանվել է ավելի քան 80 ֆիլմերում, այդ թվում՝ Ֆեդերիկո Ֆելինիի «Քաղցր կյանք» և «Ութ ու կես» ֆիլմերում։
Բայց միլիոնավոր հանդիսատեսի համար Անուկ Էմեն առաջին հերթին կինն է Կլոդ Լելուշի Կաննի 19-րդ միջազգային կինոփառատոնում «Ոսկյա արմավենի» գլխավոր մրցանակին արժանացած «Տղամարդը և կինը» ֆիլմից (1966)։ Այդ դերի համար նա արժանացել է շատ մրցանակների, այդ թվում «Ոսկե գլոբուս», և առաջադրված է եղել «Օսկար» մրցանակաբաշխությունում կանացի լավագույն դերի համար։
Լրահոս
Տեսանյութեր
![Ովքե՞ր և որտե՞ղ կարող են վարել ինքնագլորները. Նոր փոփոխություններ](https://panorama.am/video_images/17/49781_1/f667c0bb1b2183_667c0bb1b21c4.jpg)
![Թթվածնի բալոնների մատակարարման խնդիր կա. Ավագանու անդամի ահազանգը](https://panorama.am/video_images/17/49773_1/f667a9e70ddb6c_667a9e70ddbac.jpg)
![Թաթուլ Մանասերյան. Եկել եմ՝ ձեր խաղաքարտերը խառնեմ](https://panorama.am/video_images/17/49746_1/f667a88d0de733_667a88d0de774.jpg)