Արամ Առաջինը կարևորել է սփյուռքում եկեղեցական ու ազգային ավանդույթների պահպանումը
Մեծի Տանն Կիլիկիո կաթողիկոսությունից հայտնում են.
«Վեհափառ Հայրապետը կ՚եզրափակէ Մայրավանքի հոգևոր լսարանի և աստուածաշունչի սերտողութիւնները
Մեծի Տանն Կիլիկիոյ Կաթողիկոսութեան Քրիստոնէական Դաստիարակութեան Բաժանմունքը իր բազմաճիւղ գործունէութեան ծիրէն ներս, միշտ յատուկ կարևորութիւն տուած է հոգևոր լսարաններու։ Այս ուղղութեամբ, օրհնութեամբ Ն.Ս.Օ.Տ.Տ. Արամ Ա. Կաթողիկոսին, Կիլիկեան Ուխտի միաբան հայրեր շաբաթական դրութեամբ Մայրավանքէն ներս կը կատարեն աստուածաշնչական սերտողութիւններ ու հոգևոր դասախօսութիւններ։
Անցնող իննը ամիսներու ընթացքին, ամէն Երեքշաբթի առաւօտ, Կաթողիկոսարանի Ս. Գրիգոր Լուսաւորիչ Մայր Տաճարին մէջ տեղի ունեցան հոգևոր դաստիարակութեան ու քրիստոնէական կազմաւորման հաւաքներ։ Կատարուեցան սաղմոսի ընթերցումներ, արտասնուեցան աղօթքներ, տեղի ունեցան շարականի ուսուցումներ, ինչպէս նաև հոգևոր խորհրդածութիւններ։
Առ այդ, Երեքշաբթի, 18 Յունիս 2024-ի առաւօտեան ժամը 11։00-ին, Մայր Տաճարին մէջ, Կաթողիկոսարանի Քրիստոնէական Դաստիարակութեան Բաժանմունքին նախաձեռնած Հոգևոր Լսարանի և Աստուածաշունչի սերտողութիւնները իրենց աւարտին հասան։ Վերոյիշեալ եզրափակիչ սերտողութեան հանդիպումին ներկայ գտնուեցաւ Վեհափառ Հայրապետը և իր պատգամը ուղղեց հաւատացեալներուն։
Աւանդութիւն դարձած յիշեալ հանդիպումը ընթացք առաւ «Տէրունական Աղօթք»ով, որմէ ետք լսարանի մասնակիցները երգեցին հոգևոր երգեր։
Իր պատգամի սկզբնաւորութեան, Վեհափառ Հայրապետը մեծ ուրախութեամբ ողջունեց մասնակից տիկինները, որոնք անցնող ամիսներու ընթացքին մնայուն կերպով ներկայ գտնուեցան բաժանմունքին կողմէ կազմակերպուած դասախօսական շարքերուն և հոգևոր խորհրդածութիւններուն։ Այս առումով Հայրապետը անդրադարձաւ Աստուածաշունչի կարևորութեան և շեշտեց անոր պատգամները մեր կեանքին մէջ ապրելու անհրաժեշտութիւնը։ Վեհափառ Հայրապետը նաև կարևորեց մեր եկեղեցական ու ազգային աւանդութիւնները պահելու, պահպանելու և նոր սերունդին փոխանցելու յոյժ կարևորութիւնը։ Մեր հաւաքական թէ անհատական կեանքին մէջ պէտք է ապրինք ու արժևորենք մեր հոգևոր ու բարոյական արժէքները. այդ արժէքներով պէտք է դաստիարակենք մեր զաւակները և սորվեցնենք զանոնք ամրօրէն պահելու անհրաժեշտութիւնը, ընդգծելով՝ եզրափակեց իր պատգամը Նորին Սրբութիւնը։
Հանդիպումը իր աւարտին հասաւ Վեհափառ Հայրապետին կողմէ արտասանուած «Պահպանիչ» աղօթքով, աջահամբոյրով և յիշատակի խմբանկարով»։
Հարակից հրապարակումներ`
- Արամ Ա. կաթողիկոսը Իրանի դեսպանի հետ քննարկել է արցահայության հետ վերադարձի իրավունքը
- Արամ Ա Հայրապետը Հռոմի պապի հետ հանդիպման ընթացքում հայցել է աջակցություն՝ Ադրբեջանում գտնվող բանտարկեալներին շուտափույթ ազատ արձակման համար
- Արամ Առաջինն առանձնազրույց է ունեցել Հռոմի պապի հետ
Լրահոս
Տեսանյութեր
Նարեկ Մալյանն ազատության մեջ է
