![](https://panorama.am/news_images/1007/3018898_1/1584966124_xw_1430808_copy_thumb_thumb_v1.thumb.jpg)
Վիճաբանության ժամանակ բահով հարվածել էր հարևանի գլխին
ՆԳՆ ոստիկանության Կոտայքի մարզի օպերատիվ կառավարման կենտրոն հունիսի 18-ին, ժամը 16.20-ին զանգած քաղաքացին խնդրել էր, որ Եղվարդ քաղաքի Չարենցի փողոցի տներից մեկը շտապ ոստիկան մոտենա:
Իրավապահ մարմնից հայտնում են, որ ոստիկանության Նաիրիի բաժնից մեկնած օպերատիվ խումբը պարզել է, որ ժամը 16-ին հարևանների միջև կենցաղային հարցերի շուրջ վիճաբանություն է եղել, որի ընթացքում էլ 35-ամյա երիտասարդը բահով հարվածել է 69-ամյա հարևանի գլխին՝ պատճառելով մարմնական վնասվածք:
Հետագա միջոցառումներով պարզվել է, որ 69-ամյա տղամարդը իր հողամասում որսորդական հրացանից օդ է կրակել, ինչի պատճառով էլ հարևանների միջև վիճաբանություն է սկսվել, ձեռքերով և ոտքերով հարվածներ են հասցրել միմյանց, իսկ 35-ամյա երիտասարդը բահով խփել է 69-ամյա հարևանի գլխին:
69-ամյա տղամարդուն պատկանող «ՏՕԶ» տիպի որսորդական ողորկափող հրազենը առգրավվել և կազմված փաստաթղթերի հետ ներկայացվել է Նաիրիի քննչական բաժին:
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան