Ձեր վստահելի աղբյուրը

ԱԺ նախկին պատգամավոր, «Լուսավոր Հայաստան» կուսակցության նախկին անդամ Անի Սամսոնյանը գրում է. 

«Ժողովուրդ ջան, այսօր անպայման կնայեք պառլամենտում տեղի ունեցածը: Ուշադիր կնայեք բոլորին ու կարձանագրեք, թե ովքեր են այն մարդիկ, ովքեր ուզում են Հայաստանը դարձնել Ուկրաինա` աշխարհաքաղաքական փոշի ու կորսված երկիր:

Այդ ամենը արվում է եվրոպականության քողի տակ ձեր ձայները փախցնելու համար: Այդ մարդիկ պետք է ոչ մի քվե ձեզնից չստանան, հակառակ դեպքում այսպիսի արկածախնդիր ու օտարաշահ քաղաքականության հետևանքով Հայաստանը որպես պետություն կտոր-կտոր են անելու, իսկ այդ մարդիկ իրենց տաք տեղն են գտնելու Ամերիկաներում և Եվրոպաներում:

Մի տրվեք մանիպուլացիաներին ու կեղծիքին և թույլ մի տվեք «իշխանությունը ժողովրդինն է» լոզունգներով ձեր միջոցով այդ մարդիկ կատարեն իրենց սև գործը:

Ես էլ եմ ուզում լինել Եվրամիության քաղաքացի, բայց դա Հայաստանի Հանրապետության տարածքային ամբողջականությունից, անվտանգությունից և Սյունիքից ավելի մեծ արժեք չի կարող լինել ինձ համար»։

Հիշեցնենք, որ այսօր «Հայաստանի` Եվրոպական միությանն անդամակցության հայտ ներկայացնելու հարցով հանրաքվե անցկացնելու առաջարկի շուրջ» թեմայով խորհրդարանական լսումներ են կայացել։