![](https://panorama.am/news_images/1007/3020087_1/f667662583b590_667662583b5cf.thumb.jpg)
«Ժողովուրդ». Ինչու առողջապահության նախարարությունում չեղան ձերբակալություններ
«Ժողովուրդ» թերթը գրում է.
«2021-2024 թվականների ընթացքում ՀՀ կոռուպցիայի կանխարգելման հանձնաժողովը իրականացրել է շահերի բախման դեպքերին առնչվող շուրջ 30 մեդիա հրապարակման և երկու տասնյակից ավելի դիմումի ուսումնասիրություն, որոնց գերակշիռ մասը վերաբերել են պետական գնումների գործընթացներին։Հանձնաժողովն առերևույթ շահերի բախման դեպքերում հարուցել է համապատասխան վարույթներ։
Միաժամանակ, օրենսդրական գործող կարգավորումներով պայմանավորված՝ Հանձնաժողովը հնարավորություն չի ունեցել անդրադառնալու պետական գնումների գործընթացների նկատմամբ պետական պաշտոն զբաղեցնող անձանց ունեցած անուղղակի ազդեցության դեպքերին։
Այսպիսով՝ ըստ կոռուպցիայի կանխարգելման հանձնաժողովի՝ միայն առողջապահության նախարարի հետ կապվող առևտրային կազմակերպության՝ պետական գնումների մասնակցության վերաբերյալ առկա են 20-ից ավելի մեդիա հրապարակումներ, որոնց մի մասն արվել է հաշվետու տարում՝ 2023 թվականին։
Կոռուպցիայի կանխարգելման հանձնաժողովը չակերտները չի բացում, սակայն պարզից էլ պարզ է, որ խոսքը Անահիտ Ավանեսյանի մասին է։
Բանն այն է, որ դեռ ապրիլին իրավապահները մտել էին առողջապահության նախարարություն և «Ուիգմոր» հիվանդանոց. հարցը հիվանդանոցին տրամադրվող գումարներն էին՝ պետպատվերների տեսքով։ Իսկ «Ուիգմոր» հիվանդանոցը իրավապահների թիրախն էր դարձել, քանի որ խոսվում էր հիվանդանոցի և Անահիտ Ավանեսյանի միջև փոխկապակցվածության մասին։
Բացի նշված հրապարակումներից՝ շահերի բախման համատեքստում նշված դեպքերը քննելու վերաբերյալ Հանձնաժողովը ստացել է նաև քաղաքացիներից դիմումներ։
Դիմումների և հրապարակումների ուսումնասիրության արդյունքում, վերլուծելով փաստական հանգամանքները և վերաբերելի օրենսդրական կարգավորումները՝ արձանագրվել է, որ նախարարի հետ փոխկապակցված անձի բաժնեմասնակցությամբ առևտրային կազմակերպությունը պարբերաբար մասնակցել է պետական մարմինների կողմից պատվիրվող գնման գործընթացների, իսկ միայն առողջապահության նախարարության հետ կնքել է գնման 17 պայմանագիր։
Հաշվի առնելով, որ նախարարության կողմից պատվիրված գնման գործընթացներում նախարարը չի հանդիսացել գնման գործընթացի համար պատասխանատու պատվիրատուի ղեկավար, և ֆորմալ առումով գնման ընթացակարգերը պահպանված են եղել՝ վերջինիս կողմից շահերի բախման առերևույթ խախտման դեպքով վարույթներ չեն հարուցվել։ Կարճ ասած՝ առողջապահության նախարարությունը չարժանացավ էկոնոմիկայի նախարարության ճակատագրին, և չեղան աղմկահարույց ձերբակալություններ»։
Մանրամասները թերթի այսօրվա համարում
Հարակից հրապարակումներ`
- «Հրապարակ». Հայաստանյան արևմտամետներն իրենց պահվածքով ցույց տվեցին ժողովրդավարական Եվրոպայի քարոզիչների իրական դեմքը
- «Փաստ». Ո՞րն է խնդիրը. «դո՞ւխը» չի հերիքում
- «Ժողովուրդ». Առողջապահական ուղղվածության ՀԿ-ի չորս անդամ հսկողություն կիրականացնեն միլիարդավոր դրամների գնումների նկատմամբ
- «Հրապարակ». Ծեծուջարդի, կռվի, կրակոցների, արյունալի դեպքերի, ծանր հանցագործությունների պակաս չկա
- «Փաստ». Իշխանություններին հաջողվում է նոր «ռեկորդներ» գրանցել «պատմական Հայաստանի» վերաբերյալ «նուրբ» թեմաների ոլորտում
- «Ժողովուրդ». Իշխանական պատգամավորները մտադիր են հուլիսի հենց սկզբին արտահերթ նիստեր նախաձեռնել
- «Հրապարակ». Փաշինյանը կուսակիցների համար անակնկալ փոխել է քննարկման օրակարգը
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան