![](https://panorama.am/news_images/1007/3020490_1/f6677ffaf12519_6677ffaf1255a.thumb.jpg)
Վրաստանի վարչապետը կրկին խոսել է Աբխազիան և Հարավային Օսիան վերադարձնելու մասին
Վրաստանի վարչապետ Իրակլի Կոբախիձեն հայտարարել է, որ Թբիլիսին հավատարիմ է «ռազմավարական համբերությանը» Աբխազիայի և Հարավային Օսիայի վերադարձի հարցում։ Վրաստանի Անկախության օրվա կապակցությամբ Բեռլինում ունեցած նրա ելույթի մասին հայտնում է կառավարության մամուլի ծառայությունը։
Կոբախիձեի խոսքով, այս ռազմավարության իրականացման արդյունքում Վրաստանը կդառնա «միասնական և ամբողջական պետություն»։ Որպես օրինակ՝ նա բերեց Գերմանիան, որը տասնամյակներ շարունակ «համբերությամբ սպասում էր վերամիավորմանը»։
«Մենք նաև հավատարիմ ենք ռազմավարական համբերության քաղաքականությանը և վստահ ենք, որ մեր քաղաքականությունն ի վերջո կիրականացնի Վրաստանի երազանքը, վրացիների երազանքը, և Վրաստանը կդառնա միասնական և ամբողջական պետություն»,-«Գազետա ռու»-ի փոխանցմամբ, ասել է վարչապետը։
Մինչ այս Կոբախիձեն ասել էր, որ Վրաստանը ծրագրում է Աբխազիան և Հարավային Օսիան վերադարձնել իր կազմ և 2030 թվականին դառնալ Եվրամիության (ԵՄ) անդամ։
Հարակից հրապարակումներ`
- Վրաստան-Չեխիա հանդիպումն ավարտվեց ոչ ոքի արդյունքով
- Ծեծկռտուք. ֆուտբոլի Վրաստանի հավաքականը 1։3 հաշվով զիջեց Թուրքիայի հավաքականին
- Վրաստանի իշխանությունները դաս են քաղել. Գալուզինը՝ Կոբախիձեին
Լրահոս
Տեսանյութեր
![Սուրենյան. Հայաստանին մոտենում է հերթական ցիկլոնը](https://panorama.am/video_images/17/49869_1/f6683d660d4d69_6683d660d4daa.jpg)
![Աղջկաս գիշերն եմ տարել, հանձնել հողին, խփում էին. Դավիթ Բեկի բնակիչ](https://panorama.am/video_images/17/49845_1/f667ff44f2ba7f_667ff44f2babf.jpg)