![](https://panorama.am/news_images/1007/3020582_1/449051677_969063151892510_160599175571484629_n.thumb.jpg)
Ազգային հավաքականի դուռն ինձ համար փակ է. Հենրիխ Մխիթարյան
«Այն, ինչ ունի սկիզբ, ունի նաև ավարտ»,- ասել է Հայաստանի ազգային հավաքականի նախկին ավագ Հենրիխ Մխիթարյանը Newmag / summerfest-2024-ի շրջանակում պատասխանելով հարցին, թե արդյո՞ք Հայաստանի ազգային հավաքականի էջը համարում է եզարափկված։
«Ավելի լավ է ավարտել մեկ քայլ շուտ, քան՝ երկու քայլ ուշ: Ավելի լավ է այդ որոշումը կայացնես դու, քան՝ ուրիշները: Այս պարագայում կարող եմ ասել՝ իմ ցանկացած որոշում, որը կայացրել եմ իմ ֆուտբոլային կարիերայի ընթացքում, թե դրանից դուրս, ոչ մի բանի համար չեմ զղջում:
Գոհ եմ իմ կայացրած որոշումներից, գոհ եմ իմ անցած ճանապարհից: Որոշ մարդիկ հնարավոր է ասեն՝ կարող էր ավելի լավ կամ ավելի վատ կարիերա ունենալ, բայց, կարծում եմ, ոչ մեկս մեր ճակատագրից չենք կարող փախչել ոչ աջ, ոչ ձախ: Պետք է համակերպվենք նրա հետ, ինչ ունենք և շնորհակալ լինենք Աստծուն այն ամենի համար, ինչ նա մեզ տվել է:
Միանշանակ ասեմ, որ, ցավոք սրտի, ինձ համար հավաքականի դուռը փակ է»,- ասել է Հենրիխ Մխիթարյանը:
Լրահոս
Տեսանյութեր
![Սուրենյան. Հայաստանին մոտենում է հերթական ցիկլոնը](https://panorama.am/video_images/17/49869_1/f6683d660d4d69_6683d660d4daa.jpg)
![Աղջկաս գիշերն եմ տարել, հանձնել հողին, խփում էին. Դավիթ Բեկի բնակիչ](https://panorama.am/video_images/17/49845_1/f667ff44f2ba7f_667ff44f2babf.jpg)