![](https://panorama.am/news_images/1007/3020902_1/ff768f93_66e2_45b0_9508_99bfe09f6b55.thumb.jpg)
Բերդկունք ամրոցում պեղումների ընթացքում բացահայտվել են նոր նյութական և ճարտարապետական մանրամասներ
Գեղարքունիքի մարզի Գավառ համայքի Բերդկունք գյուղում գտնվող Բերդկունք (Իշխանաց բերդ) ամրոցում շարունակվում են հնագիտական աշխատանքները (արշավախմբի ղեկավար հնագետներ Լ․ Ալեքսանյան, արշավախմբի ղեկավարի օգնական հնագետ Լ․ Մկրտչյան)։
«Պահպանության ծառայություն» ՊՈԱԿ-ի հաղորդմամբ, պեղումների ընթացքում բացահայտվել են նոր նյութական և ճարտարապետական մանրամասներ։
«Նախապես նշված պեղավայրի հյուսիսային երկայնքով բացվել է պարսպապատի արտաքին հատվածի հիմքերը․ այն հսկայական ժայռաբեկորի վրա հենված մեծ ու միջին չափի քարերով հարմարեցված շարվածք է՝ մոտ 1 մ լայնությամբ։ Այստեղ, ավելի ներքևում, ժայռերի միջև պահպանվել են նաև հենապատերի հետքեր։ Քարերը տարիններ շարունակ ծածկված են եղել հողի և ամուր բուսական արմատների շերտերով։ Մինչև պեղումները, այստեղ նշմարվում էին միայն մի քանի քարերի գագաթներ՝ գրեթե զուրկ ինչ որ շարքի տրամաբանությունից։ Ամրոցի պաիսպներից ներս մաքրվել են նախկինում պեղված սենյակները»,- ասել է հնագետ, արշավախմբի ղեկավար Լուսինե Ալեքսանյանը։
Պեղումների արդյունքում հայտնաբերվել է մ․թ․ա․ 3-րդ հազարամյակով թվագրվող կավանոթների բեկորներ ինչը խոսում է հնավայրի երբեմնի վաղագույն շերտերի մասին, որոնք ավերվել են միջնադարյան շինարարության ժամանակ։
Միջնաբերդի սենյակներում բացվել են թոնիրներ և վառարաններ, որոնք «Պահպանության ծառայություն» ՊՈԱԿ-ի վերականգնող Ա․ Բաղդասարյանի կողմից տեղում ամրակայվել են։
Հնագիտական աշխատանքները շարունակվելու են ևս մի քանի օր։
Հարակից հրապարակումներ`
- Չեսար Օրբելյանի պալատի պեղումների ժամանակ բացվել են ուշագրավ մանկական թաղումներ
- Լոռի բերդում պեղումների ժամանակ հայտնաբերվել են հետաքրքիր գտածոներ, խաչքարերի բեկորներ
- Չեսարի պեղումների ժամանակ ուշագրավ արձանագրություններ են հայտնաբերվել
- Ներքին Գետաշենի, Նորաբացի, Սասունիկի պեղումներից հայտնաբերված 61 առարկա վերականգնման փուլում է
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան