![](https://panorama.am/news_images/1008/3021124_1/f667a674cd9143_667a674cd9e5a.thumb.png)
«Ֆրիդմ հաուսի» զեկույցում մոտ 8 անգամ նշվում է Տիգրան Ավինյանի անունը՝ բացասական լույսի ներքո. Գրիգորի Երիցյան
«Իշխող կոալիցիայի այս գործելաոճը հակաժողովրդավարական է և ոչ թափանցիկ»,-Երևանի ավագանու նիստի մեկնարկին հայտարարեց «Ազգային առաջընթաց» խմբակցության ղեկավար Գրիգորի Երիցյանը՝ անընդունելի համարելով ավագանու նիստի օրակարգային հարցերի գերակշիռ մասի ընդունվումն առանց զեկուցման։
Նա հիշեցրեց, որ այդ մասին է վկայում նաև «Ֆրիդմ հաուսի»՝ 2023 թվականի համար Հայաստանում ժողովրդավարության վարկանիշի նվազում արձանագրելը։
«Զեկույցում մոտ 8 անգամ նշվում է Տիգրան Ավինյանի անունը, մեծամասամբ բացասական լույսի ներքո՝ շահերի բախում, պաշտոնեական դիրքի չարաշահում և այլն»,- ասաց Երիցյանը և առաջարկեց զեկուցվող դարձնել ևս երկու հարց՝ «Երևան քաղաքի ավագանու 2013 թվականի փետրվարի 12-ի N 604-ն որոշման մեջ փոփոխություն և լրացում կատարելու մասին» հարցը և տրոլեյբուսներ գնելու համար միջոցների վերաբաշխման վերաբերյալ որոշումները ։
«Մայր Հայաստան» խմբակցության ղեկավար Մանուկ Սուքիասյանն էլ առաջարկեց բոլոր հարցերը դարձնել զեկուցվող։
Ավագանու ՔՊ անդամները քվեարկությամբ մերժեցին երկու առաջարկն էլ և հաստատեցին օրակարգը, որի 32 հարցերից զեկուցվող է միայն 2-ը։
Տիգրան Ավինյանն էլ հայտնեց, որ Երևանի ավագանում 3-րդ նստաշրջանի առաջին նիստը կգումարվի 2024 թվականի սեպտեմբերի 10-ին, ժամը 10-ին։ Երևանի Ավագանու նիստի մեկնարկին հայտնեց քաղաքապետ Տիգրան Ավինյանը։
Լրահոս
Տեսանյութեր
![Սուրենյան. Հայաստանին մոտենում է հերթական ցիկլոնը](https://panorama.am/video_images/17/49869_1/f6683d660d4d69_6683d660d4daa.jpg)
![Աղջկաս գիշերն եմ տարել, հանձնել հողին, խփում էին. Դավիթ Բեկի բնակիչ](https://panorama.am/video_images/17/49845_1/f667ff44f2ba7f_667ff44f2babf.jpg)
![Ավինյանը պետք է պատասխան տա ԱՆԻՖ-ի լուծարման համար. Քաղաքագետ](https://panorama.am/video_images/17/49832_1/f667ec7df01fc0_667ec7df0200f.jpg)
![Չարիքը պետք է վերացնենք և այո, ես դա հանձն եմ առել. Բագրատ Սրբազան](https://panorama.am/video_images/17/49824_1/f667ebd6bdf23c_667ebd6bdf284.jpg)