![](https://panorama.am/news_images/1008/3021645_1/f667bcc61bc133_667bcc61bc17a.thumb.png)
Այս պահին հնարավոր չէ վերջին հավաքի դեպքերով ասել ոստիկանության կողմից խոշտանգում կար, թե ոչ. Փաստաբան
«Ողջունելի է 2022 թվականին Քրեական օրենսգրքով ուժի մեջ մտած մի քանի դրույթներ, ըստ որոնց խոշտանգման հանցակազմի դեպքում վաղեմության ժամկետներ չեն կիրառվում, նման արարք կատարած անձանց նկատմամբ ներում կամ համաներում չի կիրառվում» «Մեդիա-կենտրոն»-ում «Խոշտանգումների զոհերի միջազգային օր. ոստիկանական բռնություններն ու անպատժելիությունը» թեմայով ասուլիսում հայտնեց փաստաբան Կարեն Ալավերդյանը։
Նա կարևորեց պետական մարմինների կողմից խոշտանգման դեպքերին օպերատիվ և պատշաճ արձագանքը։
Ալավերդյանը գտնում է, որ ՄԻՊ գրասենյակը պետք է բոլոր խնդիրենրը ճիշտ հասցեագրի բոլոր մարմիններին և վերջիններիս արձագանքը օպերատիվ լինի։
«Ներկայում աշխատելու տեղ շատ կա։ Նախորդ տարի փաստաբանների նկատմամբ բռնության դեպքի առթիվ պաշտպանի աշխատակազմը սեփական նախաձեռնությամբ քննարկման ընթացակարգ էր նախաձեռներ»,-հայտնեց Կարեն Ալավերդյանը՝ անդրադառնալով իր դեմ կիրառված բռնությանը՝ նշելով, որ մտահգոգիչ է բռնության ցանկացած դրսևորում, առավել ևս, երբ այն կատարվում է ոստիկանության բաժանմունքում փաստաբանի նկատմամբ, երբ վերջինս պաշտպանում է իր վստահորդին։
Փաստաբանը հիշեցրեց, որ ՀՀ ՄԻՊ-ը մտահոգիչ և դատապարտելի է համարել հունիսի 12-ի հավաքնի ժամանակ առերևույթ, ոչ համաչափ ուժի կիրառման դեպքերը, բայց հյատնեց, որ այդ պահին հնարավոր չէ վերջին դեպքրից որևէ մեկը խոշտանգում գնահատել, քանի որ դրա համար պետք է պարզվի նման արարքի նպատակը։
Հարակից հրապարակումներ`
- Տպավորություն ունեմ, որ Փաշինյանը խոշտանգումների հանցավոր խումբ է ձևավորել. Տիգրան Աբրահամյան
- Խոշտանգումներ, կամայական ազատազրկումներ, դատարանների անկախության խնդիրներ․ ԱՄՆ Պետդեպի զեկույցը Հայաստանի մասին
Լրահոս
Տեսանյութեր
![Սուրենյան. Հայաստանին մոտենում է հերթական ցիկլոնը](https://panorama.am/video_images/17/49869_1/f6683d660d4d69_6683d660d4daa.jpg)
![Աղջկաս գիշերն եմ տարել, հանձնել հողին, խփում էին. Դավիթ Բեկի բնակիչ](https://panorama.am/video_images/17/49845_1/f667ff44f2ba7f_667ff44f2babf.jpg)