![](https://panorama.am/news_images/1008/3022184_1/f667d163662e30_667d163662e71.thumb.jpg)
Մ. Հովսեփյան. Հաշմանդամություն ունեցող անձանց կառավարությունն ասում է՝ բավարավում եք ունեցածով կամ ռիսկի գնում
Լրագրող-հանրային կառավարման մասնագետ, հաշմանդամություն ունեցող անձանց իրավունքների ոլորտում ավելի քան 10 տարվ աշխատանքային փորձ ունեցող Մուշեղ Հովսեփյանն ահազանգում է.
«Կառավարությունը րոպեներ առաջ ընդունեց որոշում, որը պետք է իմանան հաշմանդամություն ունեցող բոլոր մարդիկ, ում հաշմանդամությունն անժամկետ է ու սահմանվել է բժշկասոցիալական փորձաքննությամբ:
Եթե դիմեք սոցիալական ծառայություն կամ աջակցող սարքեր ստանալու համար, դրանք տրամադրելու փոխարեն ձեզ կառաջարկեն նորից անցնել հաշմանդամության սահմանման գործընթացով, եթե չունեք ծառայությունների անհատական ծրագիր: Այս ծրագիրն ունեն միայն ֆունկցիոնալության գնահատում անցած անձինք:
Այդ գործընթացի արդյունքում կարող է փոխվել հաշմանդամության խումբը, հետևաբար նաև այն երաշխիքները, որ ստանում եք (օր.՝ հաշմանդամության նպաստ, կենսաթոշակ և այլն): Այսինքն՝ կառավարությունն ասում է՝ բավարավում եք ունեցածով կամ ձեզ անհրաժեշտ սարքերի ու ծառայությունների համար ռիսկի գնում:
Պետությունը կասկածի տակ է դնում կայացված հազարավոր վարչական ակտեր և հրաժարվում է նախկինում կայացրած որոշումներից բխող պարտավորություններն իրականացնելուց՝ ստիպելով մարդկանց անցնել նոր գնահատման համակարգով:
Հիշեցնեմ նաև, որ նոր համակարգի վերաբերյալ դատական գործ ունենք, որով պնդում ենք, որ կիրառվող բանաձևը հակասում է օրենսդրությանը:
Մեր առաջարկը՝ չանել այս փոփոխությունը, չէր ընդունվել: Սա որոշում է, որ հակասում է մեր օրենսդրությանը, մարդու իրավունքներին, «մի վնասիր» սկզբունքին ու պարզ, շատ պարզ տրամաբանությանը»։
Լրահոս
Տեսանյութեր
![Նոր Սահմանադրության մասին Փաշինյանի հայտարարությունները հիմնազուրկ են ու մտացածին. Սահմանադրագետ](https://panorama.am/video_images/17/49954_1/photo_2024_07_05_16_43_08_v3.thumb.jpg)
Նոր Սահմանադրության մասին Փաշինյանի հայտարարությունները հիմնազուրկ են ու մտացածին. Սահմանադրագետ
![Հայաստանը շուտով Ռուսաստանում ունենալու է նոր դեսպան . Ալեն Սիմոնյան](https://panorama.am/video_images/17/49949_1/f6687d2af81fab_6687d2af81fec.jpg)
![Գնդակը գտնվում է ադրբեջանական կողմում. Ալեն Սիմոնյան](https://panorama.am/video_images/17/49941_1/f6687b8f87fc6a_6687b8f87fcab.jpg)