Ձեր վստահելի աղբյուրը

«Երկուշաբթի օրը խոսնակների հետ հանդիպում կա, երեքշաբթի օրը՝ մեր քաղաքական կուսակցությունների հետ հանդիպում ունենք և մեր պայքարի հրապարակը մնալու է Սուրբ Աննան»,-հայտարարեց Բագրատ սրբազանը և նշեց, որ հուլիսի 5-ին են կրկին հավաք կազմակերպելու Սուրբ Աննա եկեղեցու բակում՝ Սահմանադրության ընդունման օրը։

Նա ացաս, որ հուլիսի 5-ի հավաքի ժամանակ անդրադառնալու են այն բոլոր ապօրինություններին, որոնք գործող իշխանություններն իրականացրել են Սահմանադրության հանդեպ։
«Տրորել են ուղղակի Սահմանադրությունը և այդ օրն այն ուղերձը պետք է հղենք,  թե ինչ օրենսդրական, իրավական պետություն ենք ուզում ունենալ»,-հավելեց Սրբազանը

Նա հայտնեց, որ Երկուշաբթի ժամը 20։00-ին են նորից հավաք անցկացնելու եկեղեցու բակում։

«Չարիքի հեռացման գործընթաց է սկսվել է մեր երկրում և հասնելու է իր տրամաբանական ավարտին, միայն ու միայն բարիքի հաղթանակով»,-ասաց Սրբազանը և նշեց, որ չարիքը պետք է վերանա ժողովրդի բարի կամքով, հավատքի զորությամբ, նրա կյանքում նոր արժեքների ներդրումով։

Բագրատ Սրբազանը հայտարարեց, որ պայքարի սկզբունքները չեն փոխվել, դրանք երեքն են՝ տեսիլքը, մասնակցային պատասխանատվությունը, ներգրավվածության ձևը և դրա ընդլայնումը։