![](https://panorama.am/news_images/1008/3022290_1/8157.thumb.jpg)
ՄԱԿ-ի գլխավոր ասամբլեայի նախագահը կոչ է արել հարգել օլիմպիական զինադադարը
«Փարիզ-2024» օլիմպիական խաղերի մեկնարկից առաջ, ՄԱԿ-ի գլխավոր ասամբլեայի նախագահ Դենիս Ֆրենսիսը դիմել է կազմակերպության անդամ երկրներին՝ հարգելու օլիմպիական զինադադարը:
armnoc.am-ը գրում է, որ Օլիմպիական և պարալիմպիկ խաղերի համար զինադադարի պահպանման մասին բանաձևը ՄԱԿ-ը պաշտոնապես ընդունել է նոյեմբերին: Այն պետք է պահպանել խաղերի մեկնարկից յոթ օր առաջ և պարալիմպիկի ավարտից յոթ օր հետո։
«Կոչ եմ անում բոլոր անդամ պետություններին ցույց տալ իրենց հավատարմությունը օլիմպիական հրադադարին և կոնկրետ գործողություններ ձեռնարկել տեղական, ազգային, տարածաշրջանային և գլոբալ մակարդակներում՝ խթանելու և ամրապնդելու խաղաղության և ներդաշնակության մշակույթը: Նաև կոչ եմ անում ողջ աշխարհում զինված հակամարտությունների բոլոր կողմերին՝ վեճերը լուծել խաղաղ ճանապարհով:
Խաղերը կմիավորեն աշխարհի տարբեր երկրների մարզիկներին միջազգային խոշորագույն սպորտային իրադարձություններում՝ որպես ազգերի և ժողովուրդների միջև խաղաղության, փոխըմբռնման և բարի կամքի խթանման միջոց, նպատակներ, որոնք նաև միավորված ազգերի կազմակերպության հիմնադիր արժեքների մաս են կազմում» - ասել է Ֆրենսիսը:
Միջազգային օլիմպիական կոմիտեի (ՄՕԿ) նախագահ Թոմաս Բախը ողջունել է ՄԱԿ-ի կոչը՝ ընդգծելով օլիմպիական զինադադարի մնայուն նշանակությունը։ Նա մասնավորապես ասել է. «Օլիմպիական զինադադարը ներկայացնում է խաղերի վերջնական էությունը՝ խաղաղություն, միասնություն և հույս՝ ավելի լավ աշխարհ ունենալու համար: Այս դժվարին ժամանակներում, երբ բոլորս բախվում ենք այդքան առճակատման, պառակտման և բևեռացման, օլիմպիական զինադադարն ավելի իմաստալից է դառնում: Եվ որպես իրադարձություն, որը միավորում է աշխարհը խաղաղ մրցակցության մեջ, 2024թ. Փարիզի խաղերը հզոր հիշեցում կլինեն, որ կարող ենք խաղաղությամբ համախմբվել՝ նույնիսկ պատերազմի և ճգնաժամի ժամանակ»:
Լրահոս
Տեսանյութեր
![Աղջկաս գիշերն եմ տարել, հանձնել հողին, խփում էին. Դավիթ Բեկի բնակիչ](https://panorama.am/video_images/17/49845_1/f667ff44f2ba7f_667ff44f2babf.jpg)
![Ավինյանը պետք է պատասխան տա ԱՆԻՖ-ի լուծարման համար. Քաղաքագետ](https://panorama.am/video_images/17/49832_1/f667ec7df01fc0_667ec7df0200f.jpg)
![Չարիքը պետք է վերացնենք և այո, ես դա հանձն եմ առել. Բագրատ Սրբազան](https://panorama.am/video_images/17/49824_1/f667ebd6bdf23c_667ebd6bdf284.jpg)
![Շողեր Բաբայան. Աշակերտի չափ պետք է կարևորվի նաև ուսուցիչը](https://panorama.am/video_images/17/49813_1/f667eaaf24aa7c_667eaaf24aabc.png)
![Ինչպես է քաղաքապետարանը պայքարում բացօթյա առևտրի դեմ](https://panorama.am/video_images/17/49796_1/f667e7ba72a446_667e7ba72a485.png)
![Իրանում հավանական է ընտրությունների երկրորդ փուլ. Իրանագետ](https://panorama.am/video_images/17/49794_1/f667d6fd223ff2_667d6fd224031.jpg)
![Արարատ Միրզոյան. Ես չեմ տեսնում դրական արձագանք Ադրբեջանի կողմից](https://panorama.am/video_images/17/49793_1/f667d62f2f3a73_667d62f2f3ab3.jpg)
![Քաղաքագետ. Կարող է ստանանք ռեգիոնալ մեծ պատերազմ Հայաստանի տարածքում](https://panorama.am/video_images/17/49792_1/f667d628649f9b_667d628649fdb.jpg)