Ձեր վստահելի աղբյուրը

Քաղաքացիների մոտ 50 %-ը համոզված է, որ Հայաստանում կան քաղբանտարկյալներ, գործող իշխանություններն ամբողջությամբ ընկղմված են կոռուպցիայի մեջ և այս համայնապատկերում միջազգային իրավապաշտպան և արդարադատության մարմինները լռում են։ Ո՞ր ճանապարհով պետք է գնա Սրբազան շարժումը, որպեսզի ապահովի ակնկալվող արդյունքը՝ Նիկոլ Փաշինյանի հեռացումը։ «Panorama-հարցազրույց»-ի տաղավարում վերոնշյալ խնդիրների շուրջ իր կարծիքը հայտնեց «GALLUP International Association»-ի Հայաստանում լիիրավ անդամ, «Էմ Փի ՋԻ» ՍՊԸ-ի տնօրեն Արամ Նավասարդյանը։

▪Թե ինչո՞ւ Նիկոլ Փաշինյանի իշխանությունը չի կարողացել բացահայտել այդ հանցագործությունները՝ կարծում եմ բացատրությունները կարող են լինել բավականին տրիվյալ՝ դրանք որոշակի պայմանավորվածություններ են, կամ այդ կոռուպցիայի տրանսֆորմացիան այլ կուռուպցիոն գործարքների, ես այլ խնդիր չեմ տեսնում։ Երբ իշխանություններն ասում են, թե իրավական կարգավորումները որոշակի խնդիրներ են ստեղծում կոռուպցիոն գործարքները բացահայտելու համար, ես դրա հետ համաձայն չեմ, քանի որ Նիկոլ Փաշինյանը և իր կուռ թիմն առավոտյան զարթնելուց մինչև առաջին սուրճը 5 անգամ այլասերում եմ մեր Սահմանադրությունը՝ իրենց տարբեր գործողություններով։

▪Խնամի, ծանոթ, բարեկամը ևս մտնում է կոռուպցիայի դրսևորումների մեջ։ Հիմա գնանք  ԱԺ և հասկանանք, թե ովքեր են այնտեղ բնադրվել։ Նայեք այդ խնամի, բարեկամ ծանոթ կապերը։ Մենք խոսում ենք իշխող ուժի մասին, որն առնվազը պետք է օրինակ ծառայի, բայց ինչ օրինակ է ծառայում։ Նիկոլ Փաշինյանն է չէ խոսում ԽԾԲ-ների մասին, թե կոռուպցիան ինչպիսի կենդանի է։ Թող հիմա հայելին դնի և նայի իր թիմին և խորհրդարանում ներկայացված իր պատգամավորներին, թե ինչպիսի  կապեր կան, իսկ այդ կապերը, հիշեցնենք Փաշինյանին, որ ևս կոռուպցիոն դրսևորումներ են՝ աներձագ, քավոր, սանիկ և այլն։ Չեմ բացառում, որ նման դեպքեր եղել էին նաև նախորդ իշխանությունների օրոք, բայց հարց է ծագում՝ բա ինչի՞ համար էիք պայքարում։

▪Մեր քաղաքացիների մոտ 50 %-ը պնդում է, որ Հայաստանում կան քաղբանտարկյալներ, և նրանցից մոտ 47%-ը պնդում է, որ այդ քաղբանտարկյալներից մեկն Արմեն Աշոտյանն է։ Գալիս ենք ստալինյան ժամանակաշրջանը, երբ գործում էր  «Был бы человек, а статья найдется» կարգախոսը։ Ամենևին չեմ ուզում ասել, որ Արմեն Աշոտյանը հրեշտակ է, նա եղել է իշխանության մեջ և պարզ է, որ խնդիրներ կարող են լինել, բայց ամեն ինչ պետք է դիտարկել համեմատության մեջ։ Պարզ է չէ, որ եթե որոշակի կոռուպցիոն խնդիրներ լինեին, փաստերը գտնվեին՝ իշխանությունները դրանք ի ցույց կդնեին և դատավարությունն այլ ուղով կգնար, բայց մեկ տարուց ավել Արմեն Աշոտյանն ապօրինի կալանավորված է և այն հստակ քաղաքական հետապնդում է, որովհետև վերջինս բավականին փաստարկված քննադատում էր Նիկոլ Փաշինյանին։

▪Շատ հետաքրքիր էր, որ այս շարժման ժամանակ քննարկվում էր այն թեման, թե Սրբազանը արդյո՞ք կկարողանա կառավարել երկիրը, թե նա փորձ չունի։ Եկեք համեմատենք, թե մինչև կառավարության ղեկավար դառնալը Նիկոլ Փաշինյանն ինչպիսի փորձառություն ուներ՝ սկսած կրթությունից, ինչ էր ղեկավարել և նայենք Սրբազանինը։ Կտեսնենք, որ Նիկոլ Փաշինյանից անգամներով ավել կրթություն ունի։ Ծրագրերի իրականացման և որոշակի պրոյեկտներ կառավարելու առումով Սրբազանի անցած ճանապարհը նույնպես անգամներով ավել է։

▪Այն, որ Նիկոլ Փաշինյանը հրաժարական չի տալիս, որոշակի մեղսագրում ունեմ նաև ընդդիմադիր գործիչներին, որովհետև երբ ստեղծում ես իրավիճակ, երբ նա հայտնվում է անկյունում և ընտրությունը հաջորդ օրը «մահը», դատապարտվելը կամ իշխանության մնալն է, ապա նա ընտրում է իշխանության մնալը։ Մենք  խոսում ենք Նիկոլ Փաշինյանի խնդիրների մասին, բայց պետք է խոսենք նաև ընդդիմադիր շարժումների մասին։ Կա՞ն վերլուծություններ, թե ինչու  չեն ստացվել նախորդ շարժումները։

Հարցազրուցն ամբողջությամբ՝ կից տեսանյութում։