Այս մեղադրանքն ակնհայտ անհիմն է և առնչություն չունի իրականության հետ․ Վարդևանյան

Իրավունք 20:14 28/06/2024 Հայաստան

Այս մեղադրանքն ակնհայտ անհիմն է և առնչություն չունի իրականության հետ․ Վարդևանյան

Լևոն Քոչարյանի և Սերգեյ Ասատուրովի գործով հերթական դատական նիստին փաստաբան Արամ Վարդևանյանը պնդեց, որ այս մեղադրանքն ակնհայտ անհիմն է, որն առնչություն չունի իրականության հետ։

«Լևոն Քոչարյանի միջին ծանրության գործը գտնվում է Քննչական կոմիտեի ծանր հանցագործությունների քննության բաժնում։ Ես գիտեմ, որ ծանր հանցագործությունների մասին գործը պետք է վերաբերի ծանր հանցագործություններին, բայց այս դեպքում միջին ծանրության գործով քննություն արել է ծանր հանցագործությանների բաժինը»,- հայտարարեց փաստաբան Արման Վարդևանյանն ու ընդգծեց, որ թերևս սա ևս պատճառ է ասելու, որ գործը քաղաքական է։

«Եթե մենք խոսում ենք գործի տվյալների փաստակազմի, հիմքերի ու հիմնավորումների մասին, ապա այստեղ իսկապես քրեական գործի նվազագույն տարբերակ չկա»,- ասաց փաստաբանը։

Մեղադրական եզրակացության համաձայն, Սերգեյ Ասատուրով մեղադրանք է առաջադրվել այն բանի համար, որ նա պաշտոնատար անձ հանդիսացող ՀՀ ՆԳՆ ոստիկանության ԵՔՎ հատուկ նշանակության գումարտակի ծառայողների օրինական ծառայողական գործունեությանը միջամտելու նպատակով բռնություն է գործադրել նրանց նկատմամբ:

Լևոն Քոչարյանին մեղադրանք է առաջադրվել այն բանի համար, որ նա պաշտոնատար անձ հանդիսացող ՀՀ ՆԳՆ ոստիկանության ԵՔՎ հատուկ նշանակության գումարտակի ծառայողների օրինական ծառայողական գործունեությանը միջամտելու նպատակով բռնություն է գործադրել նրանց նկատմամբ:

Հարակից հրապարակումներ`

Արարքի փաստակազմը սխալ է եղել և տրվել է սխալ իրավաբանական որակում․ Կոչուբաևը՝ Լևոն Քոչարյանի գործի մասին

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: