![](https://panorama.am/news_images/1008/3022883_1/448954027_8510964875583454_7162922356088953832_n_v1.thumb.jpg)
ԵԽԽՎ-ն փաստել է, որ Չալաբյանի նկատմամբ իրականացվել է քաղաքական քրեական հետապնդում. Փաստաբան
Օրերս հրապարակվեց Հայաստանի ստանձնած պարտավորությունների կատարման վերաբերյալ ԵԽԽՎ զեկույցը, որում, ի թիվս այլնի, անդրադարձ է կատարվել «Հայաքվե» նախաձեռնության համակարգող Ավետիք Չալաբյանի քրեական գործին։
Փաստաբան Վարազտան Հարությունյանը գրում է. «Մասնավորապես, ԵԽԽՎ-ն փաստել է, որ Չալաբյանի նկատմամբ իրականացվել է քաղաքական քրեական հետապնդում, իսկ հավաքներին մասնակցելու համար նյութապես շահագրռելու հանցակազմը հակասում է խաղաղ հավաքների ազատության եվրոպական ուղեցույցին, որի համաձայն՝ հավաքներին մասնակցելու նյութական խրախուսումը չի կարող քրեականացվել, և քրեական պատժի կիրառումն այս դեպքում ոչ իրավաչափ է։
Այս մասին մենք խոսել ենք քրեական հետապնդման առաջին իսկ օրվանից և սահմանադրական դատարան դիմելու միջնորդություններ ենք արել և՛ դատախազությանը և՛ գործը քննող ընդհանուր իրավասության առաջին ատյանի դատարանին (նախագահող՝ Մ․ Մարտիրոսյան), որոնք (բնականաբար) մերժվել են։
Այժմ գործը գտնվում է վերաքննիչ քրեական դատարանի վարույթում (նախագահող՝ Ա․ Նիկողոսյան), որի շրջանակներում նույնպես ՍԴ դիմելու միջնորդություն ենք ներկայացնելու և որպես լրացուցիչ հիմնավորում ներկայացվելու է նաև այս զեկույցը»,- գրել է Վ.Հարությունյանը։
Հարակից հրապարակումներ`
- ԵԽԽՎ զեկույցում նշվում է՝ հավաքներին մասնակցելու նյութական խրախուսումը չի կարող քրեականացվել. Չալաբյան
- Ի՞նչ պետք է ասեմ Սամսոնյանին ու Սաղաթելյանին, ովքեր երկու ամիս բանտարկված էին. Հայկ Մամիջանյանի ելույթը ԵԽԽՎ-ում
- ԵԽԽՎ կոմիտեն Հայաստանում կշարունակի մոնիտորինգը՝ ԶԼՄ-ների և խոսքի ազատության ոլորտներում բարեփոխումների իրականացումը
Լրահոս
Տեսանյութեր
![Սուրենյան. Հայաստանին մոտենում է հերթական ցիկլոնը](https://panorama.am/video_images/17/49869_1/f6683d660d4d69_6683d660d4daa.jpg)
![Աղջկաս գիշերն եմ տարել, հանձնել հողին, խփում էին. Դավիթ Բեկի բնակիչ](https://panorama.am/video_images/17/49845_1/f667ff44f2ba7f_667ff44f2babf.jpg)
![Ավինյանը պետք է պատասխան տա ԱՆԻՖ-ի լուծարման համար. Քաղաքագետ](https://panorama.am/video_images/17/49832_1/f667ec7df01fc0_667ec7df0200f.jpg)
![Չարիքը պետք է վերացնենք և այո, ես դա հանձն եմ առել. Բագրատ Սրբազան](https://panorama.am/video_images/17/49824_1/f667ebd6bdf23c_667ebd6bdf284.jpg)