![](https://panorama.am/news_images/1008/3022931_1/449283677_999475308845825_4779496269118552450_n.thumb.jpg)
Հայաստանի և Ադրբեջանի միջև խաղաղությունը թույլ կտա ապրանքների տեղափոխումը համաշխարհային շուկաներ․ Օ՛Բրայեն
ԱՄՆ պետքարտուղարի Եվրոպայի և Եվրասիայի գծով տեղակալ Ջեյմս Օ՛Բրայենը Բաքվում լրագրողների հետ զրույցում հայտարարել է, որ Բաքվի և Երևանի միջև խաղաղությունը օգուտ կբերի ամբողջ տարածաշրջանին։ Այս մասին փոխանցում են ադրբեջանական լրատվամիջոցները։
Ըստ Օ՛Բրայենի՝ խաղաղության հաստատումը թույլ կտա ապրանքների տեղափոխումը համաշխարհային շուկաներ՝ Կենտրոնական Ասիայից Ադրբեջանի, Վրաստանի և Հայաստանի տարածքով։
ԱՄՆ փոխպետքարտուղարը նշել է, որ ԱՄՆ-ն հրավիրել է Հայաստանին և Ադրբեջանին` մասնակցելու գործընկերների հետ հանդիպմանը ՆԱՏՕ-ի 2024թ. Վաշինգտոնի գագաթնաժողովի շրջանակներում։
«ԱՄՆ-ն միշտ ուրախ է Վաշինգտոնում Բաքվի և Երևանի միջև բանակցությունների անցկացման համար: Այնուամենայնիվ, կան բազմաթիվ հաղորդակցության ուղիներ և երկու կողմերն էլ պահպանում են շատ արդյունավետ ուղիղ կապ»,-ասել է նա:
Օ՛Բրայենն անդրադարձել է նաև սպառազինության խնդիրներին, նշելով, որ ամեն երկիր ինքնապաշտպանության իրավունք ունի։
«Լսել ենք, որ Հայաստանը սպառազինություն է գնում Ֆրանսիայից։ Ամեն երկիր ինքնապաշտպանության իրավունք ունի։ Մենք տեսնում ենք, որ Ադրբեջանն էլ է աշխատում այս ուղղությամբ։
Սա ցուցիչ է, որ փոխվստահության խնդիր կա, ինչը հասկանալի է, քանի որ 30-ամյա հակամարտություն է եղել»,-հավելել է ԱՄՆ փոխպետքարտուղարը։
Ջեյմս Օ՛Բրայենի հետ հանդիպման ընթացքում Ադրբեջանի ԱԳ նախարար Ջեյհուն Բայրամովը խոսելով խաղաղության պայմանագրից, կրկին անդրադարձել է ՀՀ Սահմանադրությանը, շեշտելով այն փոխելու անհրաժեշտության մասին։
«Խաղաղության պայմանագրի հարցում առաջընթաց կա, սակայն անհրաժեշտություն կա հրաժարվելու Հայաստանի սահմանադրության մեջ Ադրբեջանի տարածքային ամբողջականության նկատմամբ հավակնություններից»,-նշել է Բայրամովը։
Լրահոս
Տեսանյութեր
![Սուրենյան. Հայաստանին մոտենում է հերթական ցիկլոնը](https://panorama.am/video_images/17/49869_1/f6683d660d4d69_6683d660d4daa.jpg)
![Աղջկաս գիշերն եմ տարել, հանձնել հողին, խփում էին. Դավիթ Բեկի բնակիչ](https://panorama.am/video_images/17/49845_1/f667ff44f2ba7f_667ff44f2babf.jpg)
![Ավինյանը պետք է պատասխան տա ԱՆԻՖ-ի լուծարման համար. Քաղաքագետ](https://panorama.am/video_images/17/49832_1/f667ec7df01fc0_667ec7df0200f.jpg)
![Չարիքը պետք է վերացնենք և այո, ես դա հանձն եմ առել. Բագրատ Սրբազան](https://panorama.am/video_images/17/49824_1/f667ebd6bdf23c_667ebd6bdf284.jpg)