![](https://panorama.am/news_images/1008/3022979_1/f667efa5382cab_667efa5382cea.thumb.jpg)
Ապրիլի վերջին Թբիլիսիում անցկացվել է հայ և թուրք դիվանագետների հանդիպում. Անդրեյ Արեշև
Տեղեկություններ կան, որ ապրիլի վերջին Թբիլիսիում անցկացվել է հայ և թուրք դիվանագետների հանդիպում։ Դրա մասին NEWS.am -ի թղթակցի հետ զրույցում հայտարարել է ռուս քաղաքագետ Անդրեյ Արեշևը։
«Ի՞նչ էին այնտեղ քննարկում, հաղորդակցության ինչ նախագծեր: Անհասկանալի է։
Կարելի է տարբեր վարկածներ առաջ քաշել, դրանց թվում՝ Հայաստանի իշխանությունները ինչ-որ կերպ համաձայնել են Մեղրիով անցնող միջանցքի արտատարածքային գործարկմանը, չի բացառվում, Ադրբեջանի հետ գազի առևտրի դիմաց, ինչի մասին հայտարարել էր Ալիևը»,- ընդգծել է փորձագետը։
Նա նշել է, որ Հայաստանի իշխանություններին թվում է, թե Ադրբեջանի պահանջների կատարումը երկարաժամկետ խաղաղություն և կայունություն կապահովի։
«Ընդդիմությունը, որը համակարգված չի գործում, անհանգստացած է նրանով, որ Տավուշում Ադրբեջանի պահանջների կատարումը հանգեցնելու է նոր, ավելի կոշտ պահանջների։ Սակայն, սահմանների սահմանազատման գործընթացն, այսպես թե այնպես, շարունակվելու է։
Փորձագետը նշել է, որ Տավուշից հետո հերթը հասնելու է Երևանը Սյունիքի ու Իրանի հետ կապող Տիգրանաշենին։ Նա չի բացառել, որ այդ առնչությամբ նաև բողոքի ցույցեր կբռնկվեն, սակայն, ըստ Արեշևի, հասարակական տարբեր խմբերը քիչ բան կարող են անել Բաքվի և Երևանի համակարգված և համատեղ որոշման դեմ:
«Իսկ այն, որ նման լուծում կա, կասկածից վեր է»,- ընդգծել է փորձագետը։
Ավելին, այս որոշմանն անմիջականորեն աջակցում են միջազգային խաղացողները, դրանց թվում՝ ՄԱԿ-ը։ Ռուսաստանն ու Իրանն իրենց հերթին ի գիտություն են ընդունել դա և ի վիճակի չեն այս որոշման վրա ազդելու։
Այստեղ կարևոր է, որ Հայաստանի կառավարությունը երկու քայլ առաջ նայի Վրաստանի և հետևաբար Ռուսաստանի, ինչպես նաև Իրանի հետ հաղորդակցական կապեր ապահովելու առումով։ Սակայն դեռ պարզ չէ, թե ինչպես է այս հարցը լուծվելու»,- շեշտել է քաղաքագետը։
Արեշևը համնոզմունք է հայտնել, որ Իրանի արձագանքը կհանգեցնի դիվանագիտական ակտիվությանը և Բաքվի հետ հնարավոր բանակցություններին։
«Ինչ վերաբերում է վճռական գործողություններին, Իրանը շատ այլ խնդիրներ ունի։ Թեհրանի համար Հարավային Կովկասի տարածաշրջանում կայունությունը կարևոր է»,- եզրափակել է ռուս քաղաքագետը։
Հարակից հրապարակումներ`
- Հայ-թուրքական հարաբերություններում հարցի վերջնական լուծում չի լինի. Ռուբեն Սաֆրաստյան
- Եկել ենք համաձայնության որոշ հարցերի շուրջ, բայց դրանք դեռ չեն իրականացվել. Միրզոյանը՝ հայ-թուրքական հարաբերություններ կարգավորման մասին
Լրահոս
Տեսանյութեր
![Աղջկաս գիշերն եմ տարել, հանձնել հողին, խփում էին. Դավիթ Բեկի բնակիչ](https://panorama.am/video_images/17/49845_1/f667ff44f2ba7f_667ff44f2babf.jpg)
![Ավինյանը պետք է պատասխան տա ԱՆԻՖ-ի լուծարման համար. Քաղաքագետ](https://panorama.am/video_images/17/49832_1/f667ec7df01fc0_667ec7df0200f.jpg)
![Չարիքը պետք է վերացնենք և այո, ես դա հանձն եմ առել. Բագրատ Սրբազան](https://panorama.am/video_images/17/49824_1/f667ebd6bdf23c_667ebd6bdf284.jpg)
![Շողեր Բաբայան. Աշակերտի չափ պետք է կարևորվի նաև ուսուցիչը](https://panorama.am/video_images/17/49813_1/f667eaaf24aa7c_667eaaf24aabc.png)
![Ինչպես է քաղաքապետարանը պայքարում բացօթյա առևտրի դեմ](https://panorama.am/video_images/17/49796_1/f667e7ba72a446_667e7ba72a485.png)
![Իրանում հավանական է ընտրությունների երկրորդ փուլ. Իրանագետ](https://panorama.am/video_images/17/49794_1/f667d6fd223ff2_667d6fd224031.jpg)
![Արարատ Միրզոյան. Ես չեմ տեսնում դրական արձագանք Ադրբեջանի կողմից](https://panorama.am/video_images/17/49793_1/f667d62f2f3a73_667d62f2f3ab3.jpg)
![Քաղաքագետ. Կարող է ստանանք ռեգիոնալ մեծ պատերազմ Հայաստանի տարածքում](https://panorama.am/video_images/17/49792_1/f667d628649f9b_667d628649fdb.jpg)