![](https://panorama.am/news_images/1008/3022947_1/photo_2024_06_28_12_07_57.thumb.jpg)
Մենք գործում ենք մի ահռելի պետական կեղտոտ ապարատի դեմ, որի երազանքը փողն ու պաշտոնն են․ Բագրատ Սրբազանը՝ Մեղրիում
Բագրատ Սրբազանը Մեղրիում հանդիպում է Մեղրիի ու Ագարակի բնակիչների հետ:
«Չափազանց ուրախ եմ, որ մենք գտնվում ենք մեր հայրենիքի ամենահարավային կետում, ռազմավարական և կարևոր նշանակություն ունեցող կետում, որը մեր պետության դարպասներն են։ Ընդամենը չորս տարի այս դարպասները շատ ավելի լայն էին, կիլոմետրերով երկար էին, դա խոսում է այն մասին, որ մեր կյանքերի գնով երբեք կանգ չենք առել»,- ասաց Բագրատ Սրբազանը։
Նա ողջունեց նահատակ հերոսների ծնողներին՝ հայրենիքի հայրերին ու մայրերին։Այնուհետև անդրադարձավ այցի նպատակին՝ ասելով․ «Վստահաբար հետևել եք,թե ինչ էր տեղի ունենում Հայաստանում։ Մեր նպատակն է այցելել մարզե, տեսնել,թե ինչ է տեղի ունենում։ Առաջին կետը՝ Մեղրին է, որովհետև այն աղետը , որը տեղի է ունենում Տավուշում շատ շուտով հասնելու է Սյունիք, Գեղարքունիք, Արարատի շրջանը, այս հայրենահանձնման շրջանը շարունակվում է։ Այս շարժման բուն նպատակն էլ դա է եղել՝ հայրենահանձնումը կասեցնելը։ Հաջողել ենք, թե՞՝ ոչ։ Ինչ-որ իմաստով կարող եմ ասել,որ հաջողել ենք, բայց մենք գործում ենք մի ահռելի պետական կեղտոտ ապարատի դեմ , որի երազանքը երկուսն են՝ փողն ու պաշտոնը։ Նրա կարևորագույն գործիքը մեկն է՝ սուտն ու կեղծիքը»։
Սրբազանը շեշտեց, որ Տավուշում սահմանազատում ու սահմանագծում տեղի չի ունեցել և ոչ մի տեղ չի լինելու։
«Սյունիքում էլ, Գեղարքունիքում էլ, Վայոց Ձորում էլ ու Արարատում էլ չի լինելու։ Լինելու է միայն հանձնել ու հանձնել։ Չկա մեկը, որ երաշխավոր կանգնի հարցին, թշնամին թելադրում է, սրանք էլ անում են։ Դեռ չվերջացրած, հիմա էլ պահանջում են, որ Սահմանադրություն փոխեն։ Ո՞վ է տեսել, որ առանց խաղաղության կնքման երկիր բաժանեն։ Հեռու չէ օրը, որ այսպես կոչված անկլավների հարցը բարձրանա ու գյուղերը սկսեն մեջ-մեջ կիսել»,- ասաց նա։
Լրահոս
Տեսանյութեր
![Աղջկաս գիշերն եմ տարել, հանձնել հողին, խփում էին. Դավիթ Բեկի բնակիչ](https://panorama.am/video_images/17/49845_1/f667ff44f2ba7f_667ff44f2babf.jpg)
![Ավինյանը պետք է պատասխան տա ԱՆԻՖ-ի լուծարման համար. Քաղաքագետ](https://panorama.am/video_images/17/49832_1/f667ec7df01fc0_667ec7df0200f.jpg)
![Չարիքը պետք է վերացնենք և այո, ես դա հանձն եմ առել. Բագրատ Սրբազան](https://panorama.am/video_images/17/49824_1/f667ebd6bdf23c_667ebd6bdf284.jpg)
![Շողեր Բաբայան. Աշակերտի չափ պետք է կարևորվի նաև ուսուցիչը](https://panorama.am/video_images/17/49813_1/f667eaaf24aa7c_667eaaf24aabc.png)
![Ինչպես է քաղաքապետարանը պայքարում բացօթյա առևտրի դեմ](https://panorama.am/video_images/17/49796_1/f667e7ba72a446_667e7ba72a485.png)
![Իրանում հավանական է ընտրությունների երկրորդ փուլ. Իրանագետ](https://panorama.am/video_images/17/49794_1/f667d6fd223ff2_667d6fd224031.jpg)
![Արարատ Միրզոյան. Ես չեմ տեսնում դրական արձագանք Ադրբեջանի կողմից](https://panorama.am/video_images/17/49793_1/f667d62f2f3a73_667d62f2f3ab3.jpg)
![Քաղաքագետ. Կարող է ստանանք ռեգիոնալ մեծ պատերազմ Հայաստանի տարածքում](https://panorama.am/video_images/17/49792_1/f667d628649f9b_667d628649fdb.jpg)