Ձեր վստահելի աղբյուրը

«Մեր զինվորները շնորհքով կացարան չունեն ապրելու, բայց պաշտպանության նախարարը երկու, երեք տուն ունի»,- Սյունիքի Դավիթ Բեկ գյուղում ասել է «Տավուշը հանուն հայրենիքի» շարժման առաջնրոդ Բագրատ արքեպիսկոպոս Գալստանյանը։ 

«Սրբազան պայքար» թելեգրամյան ալիքի հաղորդմամբ, Բագրատ Սրբազանը նաև նշել է. «Երբ քո ենթակայության տակ գտնվող, սահման պահող զինվորը ապրելու նորմալ կացարան չունի, բայց դու որպես նախարար ունես երկու, երեք հատ տուն, երբ ժամանակին ոչ մի բան չունեիր, դա նորմալ չէ։

Դրա համար էլ մեր տղերքը Ազատ գյուղում վառվեցին կացարանում»։

Լրագրողների հետ զրույցում Բագրատ Սրբազանն ասել է. «Քաղաքացին ասում է, որ իր երկրի ղեկավարը սուտ է խոսում։ Սա ամենամեծ անպատվությունն ու անարգանքն է։ Այդպիսի ղեկավարը չի կարող մեկ օր ավելի մնալ իշխանության։

Ոչ  թե հնարում են քաղաքացիները, այլ մարդիկ ճիշտ են ասում, որ սուտ է խոսում։ Ինչպես կարող է  ստախոսոը լինել երկրի ղեկավար, ինչպես կառավարել»;