Ձեր վստահելի աղբյուրը

Իրանի նախագահական արտահերթ ընտրությունների երկրորդ փոլկը կկայանա հուլիսի 5-ին։ «Իռնա» գործակալության հաղորդմամբ, այս մասին հայտնել են Իրանի ընտրական հանձնաժողովից։

Նշվում է՝ հունիսի 28-ին կայացած Իրանի 14-րդ նախագահակն ընտրությունների արդյունքները վկայում են, որ պետք է կայանա երկրորդ փուլ, իրանցիներն ընտրություն կատարեն  բարեփոխիչների թեկնածու Մասուդ Փեզեշքիանի և պահպանողականների թեկնածու Սաիդ Ջալիլիի միջև։

Իրանի ընտրական օրենսդրության համաձայն՝ երկու առաջատար թեկնածուների միջև երկրորդ փուլն անցկացվում է արդյունքների հրապարակումից հետո առաջին ուրբաթ օրը, եթե ոչ մեկը չի հավաքում ձայների 50%+1:

Ընտրություններին քվեարկելու իրավունք ուներ ավելի քան 61 միլիոն իրանցիներ։

Իրանի 14-րդ նախագահական ընտրությունների արդյունքները ցույց են տալիս, որ  լարված մրցապայքար է ընթացել Փեզեշքիանի և Ջալիլիի միջև. 24,535,185 ձայների հաշվարկից հետո Պեզեշյանը հաղթել է 10,415,991 ձայնով, իսկ Ջալիլին՝ 9,473,298։